搓呀搓 <附菜肉包食譜>

突然間好想搓包包 

又突然想起袁太爹地好喜愛食菜肉包 

所以去街市買好材料，整個下午奉獻晒俾舊麵糰 

平時我都會去xx點心買包包，但總覺皮厚餡極少 

自己整的話一定要多多餡先得

不過袁太呢個菜肉包要多得袁生幫忙 

事關袁太搓搓下麵糰的時候，突然隻手好痛，發唔到力 

袁生見狀，就即刻放低晒所有野幫我搓 

估唔到袁生都會關心我，感動中。。。

唔知係袁生搓麵糰搓得好還是我包得好(其實都包得幾樣衰) 

今次的菜肉包真係好好味呢(爹地都好滿意)

真係拍得住酒樓的水準，包包軟軟，餡料多多 

仲要熱辣辣蒸好立刻食，好滿足 

另外見有麵糰剩，就整多兩條潤腸卷，因雪櫃冇臘腸 ^^

【菜肉包】

平安夜大餐 (前菜。主菜。甜品)

大家聖誕假期過得開心嗎 ^^ 袁太同大家補句"Merry Christmas"先，唔知大家去左邊樹慶祝呢 ??? 袁生袁太當然靜靜地在家度過，因為我地兩個最怕多人的地方，而平安夜大餐依然由我負責，想知袁生整左什麼食物，要將時間回到平安夜當晚了。

餃餃。。。震 <附白菜木耳豬肉餃 & 香菇豆苗餃食譜>

又偷懶左幾日冇upload食譜添，冇辦法喇，天氣實在太凍，太寒了，袁太每晚食飽飽都立刻跳上床，躲在被竇入面暖暖，電腦都懶得開，眼見有太多食譜儲存在電腦內，點都要清清呢

四人火鍋晚餐之鴛鴦湯底 <冬陰公湯 + 芫茜皮蛋湯>

天氣簡直凍到暈，不過屋企比街上還要凍，最好的晚餐一定係火鍋吧，爹地媽咪都會同我們一起烚下烚下，雖然晚餐以火鍋做主題係好方便，但想想究竟用咩湯底就真係煩煩了

因已經討厭醉雞湯底，沙爹湯底及麻辣湯底，想炮製一鍋特別的火鍋湯底，想呀想呀都係喜愛冬陰公湯底，不過又驚爹地媽咪唔太喜愛，所以另外有個簡單的芫茜皮蛋湯底，一邊清熱，一邊酸酸酸辣辣好開胃呢。。。

唔講咁多，四人火鍋晚餐開始，時間無限，飲品任飲

鴛鴦湯底 (冬陰公湯 + 芫茜皮蛋湯)，好足料呢