回鍋肉炒一丁麵

最近真係提不起勁躲在廚房整兩餸一湯

每晚飯枱常常出現炒米 , 炆米 , 炒飯及外賣等等 ......

今日亦不例外 , 有一丁麵



話說炒一丁麵係袁生在茶餐廳不可不吃的

最常見他時常食回鍋肉炒一丁麵

講起回鍋肉 , 其實袁太都好喜愛 , 只不過以前用現成醬料包來煮

味道真係想大叫一聲 "好難吃呢"

從此同回鍋肉不秋不睬 , 絕交了 



今日偶然在街市見到靚靚的半肥瘦腩肉 , 一層肥一層瘦好吸引呢





記起雪櫃還有1/2個椰菜 , 好 , 一於整回鍋肉吧

除了椰菜 , 還加了豆乾 , 顏色及味道都增加不少呢

首先爆香腩肉同豆乾 , 再加醬汁及椰菜 , 今次醬汁不再依賴方便醬包 , 自己嘗試調味 

其實回鍋肉用來拌飯已經好好味 , 不過還是喜愛配一丁呢

材料 
有皮腩肉 , 豆乾 , 椰菜 , 蔥段 , 薑片

調味料 
辣豆瓣醬2湯匙 , 海鮮醬1湯匙 , 糖少許 , 水3湯匙



做法
1. 燒滾水 , 放入薑片 , 將腩肉放入用慢火煮10分鐘 , 盛起待涼切片備用

2. 蔥白及蔥段分別切好 , 洗淨

3. 椰菜洗淨後切片 , 豆乾斜切成小片

4. 燒紅鑊 , 爆香腩片至微黃色 , 加入豆乾片拌勻炒香 , 下蔥白及蔥段拌勻

5. 加入調味料及椰菜拌勻 , 炒至椰菜軟身備用

6. 煲內放入水煮至一丁麵散開 , 瀝乾水份後加入回鍋肉內 , 用慢火炒至汁料收乾即可




一丁麵吸收了回鍋肉香噴噴汁料的味道 , 真係食到唔停口呢 ^^