大家好呀 ~~ 袁太冇出現一個星期
唔好以為我去左旅行 , 唔好以為我偷懶唔update
其實皆因袁太病了 ......
前幾日開始發高燒 , 頭又痛 , 頸又腫
訓又訓唔到 , 睇醫生原來係淋巴腺發炎
所以頸的位置腫了 , 由於發炎導致發高燒 , 亦有少許感冒徵狀
要食消炎藥 , 退燒藥 , 感冒藥等等 ......
呢幾日係屋企完全進入昏睡狀態
慶幸燒已退 , 感冒已清 , 不過頸還是有少許腫痛
見今日精神好些 , 就update下食譜吧
雞翼相信每一位都喜愛
喜愛佢做法多多 , 無論煎 , 蒸 , 煮 , 炸樣樣得
袁太最愛都係用炆的方法呢 , 最愛係由細食到大的薯仔雞翼
本身想加栗子一起 , 但食藥導致有少許胃痛
都係暫時唔好食住 , 咁就轉有益的南瓜一齊炆
甜甜的南瓜我一樣喜愛
飯都可以食多幾碗 ^^
材料 : 雞翼 (洗淨抹乾水份) , 薯仔 (去皮切件) , 南瓜 (去皮去籽切粒) , 薑片 , 蒜蓉
雞翼加入醃料拌勻醃2小時
燒紅鑊 , 爆香薑片及蒜蓉 , 加入雞翼 , 酒快炒至雞翼轉色 , 加入薯仔炒片刻 ,加入調味料蓋上蓋用中火炆10分鐘
再加入南瓜拌勻蓋上蓋轉用慢火炆8分鐘至南瓜軟身 , 熄火焗5分鐘即可
材料雞翼1磅 , 南瓜 1/2個 , 薯仔2個 , 薑片 , 蒜蓉
醃料生抽 , 酒 , 糖 , 生粉 , 麻油 , 胡椒粉
調味料蠔油 , 生抽 , 老抽 , 鹽 , 糖 , 水
做法1. 薯仔去皮切件 , 南瓜去皮去籽切粒
2. 雞翼洗淨抹乾水份 , 加入醃料拌勻醃2小時備用
3. 燒紅鑊 , 爆香薑片及蒜蓉 , 加入雞翼 , 酒快炒至雞翼轉色 , 加入薯仔炒片刻
4. 加入調味料蓋上蓋用中火炆10分鐘
5. 再加入南瓜拌勻蓋上蓋轉用慢火炆8分鐘至南瓜軟身
6. 熄火焗5分鐘即可
簡直大人細路都愛的薯仔雞翼 , 由細食到大都唔覺厭呢 ^^
袁太，小心身體，
回覆刪除病到發燒真係唔少嘢呀，多多保重呀!
南瓜煮淋咗真係好好味，雞翼又係芙芙fav.，
見到張相，都想一啖咬落去呀。
多謝芙芙的關心 , 我都好喜愛煮到淋身的南瓜 , 雞翼真係好多人的最愛呢 ^^
刪除唉吔....係原來病咗..好番未呀？小心身体喎
回覆刪除本來好番 , 點知又變左喉嚨痛 ~慘慘~
刪除袁太，保重身體呀! cici斷斷續續都病咗2個星期，要徹底戒口。雞翼點煮都咁好味，你煮呢個仲好送飯添
回覆刪除多謝cici關心 , 最慘我而家喉嚨超痛 , 唔好話戒口 , 想食野都辛苦 , 雞翼真係有百搭煮法 , 南瓜同薯仔都係我最愛 ^^
刪除Take care, 休息多D, 薯仔雞翼已經好吸引, 加南瓜仲正. :)
回覆刪除多謝關心 , 因為我喜愛南瓜 , 所以咪加埋落去囉
刪除袁太，你OK嗎？呢排凍下又熱下，好易生病，多休息，保重身體！
回覆刪除呢個搭配正呀！早兩日我整南瓜炆雞，見有個薯仔多，唔好浪費放埋落去一齊煮，真係好好味！講起就想吃了 ~
小高 , 袁太本來OK , 但又變左喉嚨痛 , 下星期又凍喇 , 小高都要好好保暖呀 , 我都好想再煮多次 , 今次當然要等我病好先 ^^
刪除袁太會好好保重呢 ^^
回覆刪除呢個星期又返凍~好好保重身體呢~!
回覆刪除多謝黃師奶關心 , 袁太已經好左好多喇 ^^
刪除要保重身體呀....過多幾日又涼番....
回覆刪除雞翼....永遠係我既最愛......
雞翼永遠都係大家最愛 , 真係食極都唔厭呢
刪除