2015年2月13日 星期五

[清熱潤喉] 羅漢果燉雪梨




最近我姑仔 (即係袁生妹妹) 又要做開腦手術切除腫瘤

今次已係第四次做開腦手術

雖然醫生話冇之前個幾次咁危險

但作為親人 , 點會唔擔心 ......



當星期二做完手術 , 夜晚去探妹妹的時候

見妹妹好辛苦 , 真係心都痛埋

不過昨晚再去醫院 , 見妹妹已轉了普通病房

好好胃口 , 好精神 , 有講有笑 , 我同袁生都鬆一口氣呢

醫生話妹妹下星期可以出院回家過年添



現在流感實在太利害 , 出入醫院都要帶番口罩

唔係感染到細菌就不得了喇

何況由藍田去薄扶林探病 , 路程都幾遠

夜晚天氣又凍又寒 , 真係好容易攝親



所以袁太見雪櫃有幾個鴨梨

就加羅漢果 , 蜜棗 , 冰糖一齊燉

燉佢約1小時再焗下佢 , 清熱潤喉的羅漢果燉雪梨就完成

雖然袁太唔多喜愛羅漢果的味道

但加左雪梨同冰糖 , 甜甜地又濃濃地 , 唔錯唔錯

飲唔晒仲可以放入雪櫃雪凍 , 得閒就飲番杯

~爽呀~



材料 : 鴨梨 , 羅漢果 , 蜜棗 , 冰糖




鴨梨去皮洗淨去蒂 , 羅漢果撕碎或切半 , 蜜棗洗淨




將所有材料 (除冰糖) 放入燉盅內 , 加入約3公升熱水 , 蓋上燉盅蓋 , 放入已加了熱水的外煲內 , 蓋上蓋用中火燉15分鐘 , 再轉慢火燉45分鐘








最後加入冰糖煮至溶 , 熄火焗30分鐘即可







材料
鴨梨3個 , 羅漢果1 1/2個 , 蜜棗2粒 , 冰糖



做法
1. 鴨梨去皮洗淨去蒂 , 羅漢果撕碎或切半 , 蜜棗洗淨

2. 將所有材料 (除冰糖) 放入燉盅內 , 加入約3公升熱水

3. 蓋上燉盅蓋 , 放入已加了熱水的外煲內

4. 蓋上蓋用中火燉15分鐘 , 再轉慢火燉45分鐘

5. 最後加入冰糖煮至溶 , 熄火焗30分鐘即可 




大家可以好似袁太咁整個雪梨燉 , 或者將雪梨切件或切粒燉都得架 ^^


4 則留言:

  1. 正,我都要碗嚟潤一潤呀!

    回覆刪除
  2. 祝願你姑仔快d 好返~身體健康~

    回覆刪除
    回覆
    1. 多謝黃師奶的祝福 , 妹妹已康復不少 , 明天可以出院喇

      刪除