蠔仔煎蛋

袁生最近心情好番好多 , 平伏好多

但有時都冇咩胃口食飯

可能在家食飯仍然勾起唔少同豬豬的快樂回憶

所以呢幾日盡量用袁生喜愛的材料煮晚餐

希望可以快快振作起來 ......



蠔仔永遠係袁生最愛食物之一

無論蠔餅 , 蠔仔粥 , 焗蠔砵他統統都愛

不過今次還是用蠔仔作簡單料理吧



最簡單當然用來煎蛋

簡單將蠔用生粉沖洗乾淨 , 再出水 , 印乾水份

蛋液加入芫茜及調味料拌勻 , 再將蠔仔加入拌勻

放入鑊中煎至金黃色就可以

係咪好簡單呢



用上袁生喜愛的食材做晚餐

果然開胃左少少

一人已經可以食大半碟

因我擔心如果袁生再係食咁多野的話 , 真的會病呢

何況最近流感咁利害 , 真係要保重身體 ^^
  

 
材料 : 蠔仔 , 芫茜 (切碎) , 雞蛋

蠔仔放入大碗內 , 加入生粉拌勻後沖洗乾淨 , 放在廚紙上瀝乾水份

燒滾水 , 放入蠔仔出水1分鐘盛起

雞蛋打成蛋液 , 加入蠔仔 , 芫茜及調味料拌勻備用

燒紅鑊 , 將材料全部放入鑊中用中火慢慢煎至兩面金黃色即可

材料
蠔仔半斤 , 芫茜 , 雞蛋4隻

調味料
鹽 , 魚露 , 胡椒粉 , 糖 ,生粉



做法
1. 芫茜洗淨切碎

2. 蠔仔放入大碗內 , 加入生粉拌勻後沖洗乾淨 , 放在廚紙上瀝乾水份

3. 燒滾水 , 放入蠔仔出水1分鐘盛起 

4. 雞蛋打成蛋液 , 加入蠔仔 , 芫茜及調味料拌勻備用

5. 燒紅鑊 , 將材料全部放入鑊中用中火慢慢煎至兩面金黃色即可

金金黃黃的蠔仔煎蛋 , 好送飯之餘 , 無論材料同做法都同樣簡單呢 ^^