2016年2月10日 星期三

大年初三之忙碌煮食篇




今日話咁快已經係年初三 , 袁太同大家說聲唔好意思

因為前排太忙又多飯局

所以要到今日先可以透Blogspot同大家拜年 ......



袁生同袁太在恭祝大家猴年身體健康 , 心想事成

有工作的朋友就工作順順利利 , 升職加薪 , 恭喜恭喜 ^^



由年廿七的時候已經開始好忙 , 望住籌備年貨

為居所作出最後工程 , 將所有傢俬電器全部換掉

只係收拾都用左幾日時間 , 感恩初一前已全部整得委委當當

年廿八就同老爺奶奶食團年飯 , 食完再同袁生行花市

年廿九就回娘家食團年飯

初一又同老爺奶奶拜年 , 初二又回娘家拜年 , 忙到今年冇時間蒸糕及賀年食品



而今日初三袁生朋友仔來家作客 , 今朝一早已忙到一頭煙

除準備晚餐材料外 , 快快手炒個年糕俾班餓鬼當下午茶

其實做法同上海粗炒一樣 , 只不過將烏冬換成年糕 , 唔落冬菇

換成椰菜同雲耳一齊炒 (由於時間太趕 , 冇影步驟圖 , 唔好意思呢)





今年新年同往年有不同的地方就是 , 每逢初一娘家都會煮齋食

以前一向係婆婆整 , 自從婆婆走了後就由媽咪負責

今年媽咪又話懶唔想整 , 就由袁太開始接手了

呢個一代傳一代的蠔油煮齋 , 保留婆婆以往煮的味道

做法簡單 , 煮左一大煲 , 唔駛一粒鐘已經沽清呢 ^^


28 則留言:

  1. 袁太,祝你猴年萬事如意!身體健康!越來越多好煮意:)
    你咁忙初三都出到BLOG都唔錯,無部驟圖都無所謂啦~~我咁悠閒都出得好慢呢~~

    回覆刪除
  2. 袁太,祝你同袁生身體健康,事事順利,心想事成!我家煮齋係用南乳煮,都係好好味!

    回覆刪除
    回覆
    1. 我都祝cici身體健康,工作順利,萬事如意,因為南乳唔係太多人喜愛,所以婆婆以前一向都係用蠔油煮呢

      刪除
  3. 新春快樂!心想事成!煮意多多!

    回覆刪除
  4. 祝袁生袁太猴年大吉,身體健康,心想事成,日日有好煮意,無論炒年糕或蠔油齋我都好想食

    回覆刪除
    回覆
    1. 祝Cherry猴年行大運,身體健康,心想事成

      刪除
  5. 祝袁生工作順利,身體健康,祝袁太心想事成,身體健康,每日keep住好煮意,恭喜恭喜

    回覆刪除
  6. 祝袁生袁太猴年生活美滿,身體健康,笑口常開!

    回覆刪除
  7. 祝袁生袁太猴年行大運,身體健康,心想事成,笑口常開,繼續有好煮意

    回覆刪除
  8. 我都好耐冇食炒年糕,祝袁生袁太身體健康,萬事如意

    回覆刪除
    回覆
    1. 祝Eva身體健康,萬事如意,工作順利,其實我都好耐冇食過年糕,突然心血來潮想食就買來炒呢

      刪除
  9. 祝袁生袁太工作順利,身體健康,開心常滿

    回覆刪除
  10. 袁太, 肥人祝你同袁生新年快樂, 身體健康, 心想事成~

    回覆刪除
    回覆
    1. 祝大肥人同老公身體健康,萬事如意,工作順利

      刪除
  11. 新春大吉!身體健康!過年呢幾日我哋日日出去冇煮飯呢

    回覆刪除
    回覆
    1. 祝黃師奶一家身體健康,萬事如意,黃小b快高長大

      刪除
  12. 袁太,新年快樂!
    芙芙祝你同袁生身體健康,每天都開開心心!
    呢煲蠔油煮齋好大煲呀!咁快清哂一定十分好味道,
    一到新年家家都咁忙,芙芙放假放到初十一先返工,
    但日日都好似有節目咁,好精彩呀~

    回覆刪除
    回覆
    1. 芙芙初十一先番工實在太好呢,祝芙芙身體健康,萬事如意,工作順利,猴年做靚靚的新娘子

      刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......