2016年11月11日 星期五

黑糯米蓮子紅豆沙




最近天氣涼涼地 , 我都煲多左糖水暖暖胃 , 前排同奶奶傾電話講起黑糯米糖水 , 黑糯米其實我都好耐冇食過 , 令袁太心思思又想煲黑糯米 ......



去雜貨店買了一包黑糯米回家 , 不過黑糯米都好多煮法 , 究竟煲椰汁紫米露 ??? 黑糯米西米芋頭糖水還是怎樣好呢 ??? 我知袁生唔愛食芋頭 , 所以out左芋頭糖水 , 椰汁我又麻麻地 , 我比較喜愛濃味的糖水多D , 咁倒不如黑糯米配紅豆 , 味道應該夠濃又飽肚 , 何況紅豆沙係我最愛的中式糖水之一



黑糯米同紅豆的份量可以自由配搭 , 如果大家喜愛黑糯米味重的 , 咪黑糯米份量多過紅豆囉 , 但如果大家好似我咁想紅豆味重d , 就紅豆份量多過黑糯米喇 , 再加埋果皮一齊煲 , 味道好夾 , 呢款糖水食唔晒仲可以放入雪櫃凍食 , 所以袁太都煲左一大煲 , 煲好的時候食熱的 , 其餘放入雪櫃留待下次食 , 黑糯米有咬口 , 紅豆又起沙 , 雖然好味 , 不過食兩碗都頂晒胃呢 ^^



材料 : 黑糯米 , 紅豆 , 果皮 , 蓮子 , 冰糖 , 隔篩 , 水




紅豆放入大碗內用水清洗兩次後加水浸過面靜待5小時 (或可浸過夜) , 浸好的紅豆再沖洗多次及瀝乾 , 黑糯米亦用水沖洗及瀝乾 , 果皮沖洗刮去囊撕成細片


















將紅豆放入煲內用中火炒數分鐘 , 加入約50ml水拌炒紅豆至收乾水份 , 再加入第二次水 (同是50ml) , 繼續用中火炒至水份收乾 , 再放入黑糯米 , 果皮及適量水 , 拌勻用中火煲15分鐘後 , 去掉面上泡泡














 




蓋上蓋轉慢火煲1小時至黑糯米及紅豆腍身 (期間要定時睇火 , 小心滾瀉) , 蓮子沖洗乾淨 , 加水浸30分鐘









1小時後將已煲至腍身的紅豆盛起 (只盛起1/3份量就可以) , 用隔篩整成紅豆蓉狀 , 再放回煲內 , 再加入蓮子拌勻蓋上蓋繼續用慢火煲30分鐘










最後加入冰糖拌勻轉用中火煮至溶 , 熄火焗30分鐘即可






 



材料
黑糯米2湯匙 , 紅豆250g , 果皮2塊 , 蓮子 , 冰糖 , 隔篩 , 水



做法
1. 紅豆放入大碗內用水清洗兩次後加水浸過面靜待5小時 (或可浸過夜) 

2. 浸好的紅豆再沖洗多次及瀝乾 , 黑糯米亦用水沖洗及瀝乾 , 果皮沖洗刮去囊撕成細片 

3. 將紅豆放入煲內用中火炒數分鐘 , 加入約50ml水拌炒紅豆至收乾水份 

4. 再加入第二次水 (同是50ml) , 繼續用中火炒至水份收乾

5. 再放入黑糯米 , 果皮及適量水 , 拌勻用中火煲15分鐘後 , 去掉面上泡泡 

6. 蓋上蓋轉慢火煲1小時至黑糯米及紅豆腍身 (期間要定時睇火 , 小心滾瀉)

7. 蓮子沖洗乾淨 , 加水浸30分鐘 

8. 1小時後將已煲至腍身的紅豆盛起 (只盛起1/3份量就可以) , 用隔篩整成紅豆蓉狀 

9. 再放回煲內 , 再加入蓮子拌勻蓋上蓋繼續用慢火煲30分鐘 

10. 最後加入冰糖拌勻轉用中火煮至溶 , 熄火焗30分鐘即可




咁有益同美味的糖水 , 唔知大家有冇興趣來一碗呢 ^^


20 則留言:

  1. 天氣凍食糖水,暖身又滋潤

    回覆刪除
    回覆
    1. 所以我一到凍天就好鐘意煲糖水食呢

      刪除
  2. 蓮子紅豆沙我最鐘意食

    回覆刪除
  3. 咁大煲糖水,袁太請我食一碗得嗎

    回覆刪除
  4. 紅豆沙我都好鐘意食,熱既凍既都鐘意

    回覆刪除
  5. 呢幾年我鍾意食黑糯米,呢個甜品好正呀

    回覆刪除
    回覆
    1. 我都係近呢幾年特別鐘意食,以前唔鐘意架

      刪除
  6. 呢個都好飽肚喎,係咪淨係食糖水唔使煮飯呢?

    回覆刪除
    回覆
    1. 個日好似係煮麵食,然後食糖水做宵夜

      刪除
  7. 紅豆,綠豆我都一樣鐘意

    回覆刪除