2016年11月21日 星期一

茄子洋蔥炆雞




突然間好想 ... 好想食茄子 , 又想食洋蔥喎 , 起初想配鴨腿肉一齊炆 , 奈何急凍店已經冇晒鴨腿賣 , 唔知係咪用來做晒臘鴨脾呢 ... 冇鴨腿肉就唯有轉腩肉 , ~哈~ 點知腩肉又唔多靚仔 , 瘦都咩咁 , 完全冇肥肉都 , 仲乾過我荷包 , 實在買不落手 ......

 

唯有又再轉轉材料 , ~雞~ 應該最保守吧 , 唔會又唔靚掛 , 買左隻SIZE適中的黃油雞 , 用1/2隻去配茄子同洋蔥一齊炆 , 一定夠晒惹味 , 茄子我比較喜愛用幼身個款茄子 , 不過唔係檔檔菜店都有得賣 , 都行左好幾間先搵到



見袁生食到好滋味 , 不過他只吃茄子同雞 , 我就反而鐘意食配料 , 即係洋蔥呀~~蒜頭呀~~乾蔥個類呢 , 所以一定唔會有人同我爭食 , 袁生成日都話我架 , 話我成日只係食配料 , 唔食主角 , 俾人見到以為唔俾飽飯我食 , 咁我由細到大都鐘意食呢d配料架喇 , 好難改個喎 , 仲有用汁撈飯我都好鬼鐘意 , 可以食到兩碗飯呢 ^^



材料 : 新鮮雞 , 茄子(幼身) , 紫洋蔥 , 洋蔥 , 芹菜 , 薑 , 蔥 , 蒜頭 , 乾蔥頭 , 酒 , 鹽 , 生粉 , 胡椒粉




雞洗淨抹乾水份 , 放入大碗內加入醃料拌勻蓋上保鮮紙靜待1小時 (如有時間 , 可幾雞醃2-3小時) , 紫洋蔥 , 洋蔥去衣切件 , 薑去皮切絲 , 乾蔥頭去衣切片 , 蒜頭去衣拍扁 , 芹菜莖切段 , 蔥切段及幼絲












茄子洗淨切段放入油鑊中拌勻 , 用慢火慢慢炸至微軟(約2分鐘) , 盛起放在廚紙上吸取油份 , 炸茄子的油盛起










鑊中放入炸茄子油燒熱 , 爆香薑絲 , 蒜頭 , 乾蔥頭片 , 芹菜段及蔥白 , 加入紫洋蔥 , 洋蔥拌勻炒至微身 , 夾起蔥白去掉 , 加入雞件 , 贊少許酒及調味料快炒至轉色 , 加入2杯水份量拌勻 , 用中火煮滾後蓋上蓋用慢火炆20分鐘 






















加入茄子 , 芹菜莖拌勻用中火煮滾 , 熄火焗3分鐘 , 最後加入青蔥段拌勻 , 上碟再灑上蔥絲即可
















材料 
新鮮雞1/2隻 , 茄子(幼身)1條 , 紫洋蔥1個 , 洋蔥1個 , 芹菜2扎 , 薑 , 蔥 , 蒜頭1個 , 乾蔥頭4粒 , 酒 , 鹽 , 生粉 , 胡椒粉

醃料 
生抽 , 老抽 , 糖 , 生粉 , 麻油 , 胡椒粉

調味料
蠔油 , 生抽 , 老抽 , 糖
 


做法
1. 雞洗淨抹乾水份

2. 放入大碗內加入醃料拌勻蓋上保鮮紙靜待1小時 (如有時間 , 可幾雞醃2-3小時)

3. 紫洋蔥 , 洋蔥去衣切件

4. 薑去皮切絲 , 乾蔥頭去衣切片 , 蒜頭去衣拍扁 , 芹菜莖切段 , 蔥切段及幼絲

5. 茄子洗淨切段放入油鑊中拌勻 , 用慢火慢慢炸至微軟(約2分鐘)

6. 盛起放在廚紙上吸取油份 , 炸茄子的油盛起

7. 鑊中放入炸茄子油燒熱 , 爆香薑絲 , 蒜頭 , 乾蔥頭片 , 芹菜段及蔥白

8. 加入紫洋蔥 , 洋蔥拌勻炒至微身 , 夾起蔥白去掉

9. 加入雞件 , 贊少許酒及調味料快炒至轉色 , 加入2杯水份量拌勻

10. 用中火煮滾後蓋上蓋用慢火炆20分鐘 

11. 加入茄子 , 芹菜莖拌勻用中火煮滾 , 熄火焗3分鐘

12. 最後加入青蔥段拌勻 , 上碟再灑上蔥絲即可 




用慢火來炆雞 , 雞肉嫩滑絕對唔鞋口呢 ^^


24 則留言:

  1. 詳細介紹, 很用心煮的食譜.

    回覆刪除
  2. 茄子要炸過才能保持顏色艷麗,又要用紙吸走油份,你真係好用心煮呀。

    回覆刪除
  3. 我鐘意食洋蔥

    回覆刪除
  4. 茄子,洋蔥同雞我全部都鐘意食

    回覆刪除
  5. 俾我就簡單將茄子切好放入鑊炆,話之佢變色.哈哈

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......