2017年4月26日 星期三

三色椒蘑菇素炒銀針粉




銀針粉係我最愛的粉麵類之一 , 不過袁生完全唔會食銀針粉 , 所以每逢袁生唔回家吃飯 , 或者唔駛預晚餐俾佢的時候 , 袁太一人晚餐的最佳首選必定係銀針粉 , 所以~銀針粉呀~~銀針粉~我真係好掛住你呀 ~~~ , 等你回來同我撐枱腳已經好久好久 , 真係等到頸都長 ......


  
兒時的時候由於爸媽喜愛食銀針粉的關係 , 令我細細個已深深愛上 , 只可惜袁生係絕對唔食銀針粉 , 他只愛河粉 , 米線 , 米粉 , 而我就喜愛銀針粉 , 上海麵 , 我地呢兩條友係食方面完全唔夾 , 所以結婚這幾年裡 , 除左返娘家先有得吃外 , 基本上銀針粉同上海麵 , 極少數會係袁太廚房出現 



如果袁太廚房出現呢類型的文章或食譜 , 大家就可以估到呢餐飯絕對冇袁生份呢 ^^



朝早的時間興高采烈彈下彈下去街市買粉 , 另外係日式超市買左白蘑菇 , 啡蘑菇 , 仲有三色椒 , 係街市又買左椰菜 , 銀芽同粟米粒 , 今次的炒銀針粉唔會加肉 , 來個素炒系列 , 簡簡單單又快手已經炒好一大碟 , 因為袁太買了一斤粉咁多 , 又或者可能配料多的關係吧 , 看來又要分幾餐食先食得完呢 ^^



材料 : 銀針粉 , 白蘑菇 , 啡蘑菇 , 三色椒 , 椰菜 , 粟米粒 , 銀芽 , 雞蛋 , 鹽 , 糖 , 蒜頭 , 胡椒粉 , 酒 , 水




三色椒去籽切條 , 蒜頭去衣切細粒 , 雞蛋打成蛋液 , 白蘑菇 , 啡蘑菇去蒂切片 , 椰菜切絲 , 蛋液放入鑊中加少許油煎至兩面金黃色蛋皮 , 盛起稍為待涼切成蛋絲 , 粟米粒用水沖洗及瀝乾












銀芽放入煲內 , 加入少許油 , 鹽及水拌勻用中火煮至滾 , 盛起銀芽用水沖洗及瀝乾








燒紅鑊 , 將三色椒及蒜粒放入鑊中炒香 , 加入白蘑菇及啡蘑菇 , 贊少許酒拌勻炒至蘑菇微軟 , 再加入椰菜 , 少許鹽 , 糖 , 半碗水調味拌勻 , 蓋上蓋用中火煮3分鐘至椰菜軟身 , 加入銀針粉及調味料拌勻 , 再加少許老抽拌勻炒至上色  


























最後逐一加入銀芽 , 粟米粒及蛋絲拌勻快炒數分鐘即可











材料 
銀針粉1斤 , 白蘑菇 , 啡蘑菇 , 三色椒各1個 , 椰菜1個 , 粟米粒 , 銀芽$5 , 雞蛋2隻 , 鹽 , 糖 , 蒜頭1個 , 胡椒粉 , 酒 , 水1/2杯

調味料 
蠔油 , 生抽 , 糖



做法
1. 三色椒去籽切條 , 蒜頭去衣切細粒 , 雞蛋打成蛋液 

2. 白蘑菇 , 啡蘑菇去蒂切片 , 椰菜切絲 

3. 蛋液放入鑊中加少許油煎至兩面金黃色蛋皮 , 盛起稍為待涼切成蛋絲 

4. 粟米粒用水沖洗及瀝乾

5. 銀芽放入煲內 , 加入少許油 , 鹽及水拌勻用中火煮至滾 , 盛起銀芽用水沖洗及瀝乾

6. 燒紅鑊 , 將三色椒及蒜粒放入鑊中炒香 

7. 加入白蘑菇及啡蘑菇 , 贊少許酒拌勻炒至蘑菇微軟 

8. 再加入椰菜 , 少許鹽 , 糖 , 半碗水調味拌勻 , 蓋上蓋用中火煮3分鐘至椰菜軟身 

9. 加入銀針粉及調味料拌勻 , 再加少許老抽拌勻炒至上色   

10. 最後逐一加入銀芽 , 粟米粒及蛋絲拌勻快炒數分鐘即可 




每次食銀針粉都喜歡加入辣椒油一齊食 , 咁就會變得惹味得多呢 ^^



22 則留言:

  1. 雖然呢個銀粉冇落肉炒,但都好吸引呀

    回覆刪除
  2. 炒銀針粉我啱呀,加多雙筷唔該

    回覆刪除
  3. 銀針粉我都食,不過我老公同袁生一樣唔太喜歡,如果下次再煮銀針粉記得預埋我個份呀

    回覆刪除
  4. 你用左好多料,我都想食

    回覆刪除
  5. 材料豐富,一定好味,好奇怪,我現在衹食炒銀針粉,放湯就麻麻地。

    回覆刪除
  6. 好足料呀, 肥人都好愛銀針粉但太難買啦...放工返去鋪都收左啦~

    回覆刪除
    回覆
    1. 有時唔係放工時間已經買晒,係中午時間已經冇得賣喇

      刪除
  7. 銀針粉我唔太鐘意,我比較鐘意河粉

    回覆刪除
  8. 我都中意食銀針粉!下次預我做第三者得唔得?XDD

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......