2017年5月7日 星期日

芝士肉醬焗豆腐




袁生平時除了喜愛牛展外 , 仲非常 ... 非常喜愛肉醬 , 他最愛肉醬配飯 , 千層麵等等 , 不過今次唔配飯 , 唔配千層麵 , 亦唔配意粉 , 配上簡單的材料 ~硬豆腐~ ......



當清淡的豆腐遇上酸酸濃濃的肉醬 , 再加上大多數人喜愛的芝士碎 , 三種食物合為一會變成什麼呢 ??? 會變成美味的佳餚 ??? 還是變成怪怪的組合 ??? 好味還是唔好味的答案 , 當然要袁生來揭曉 , 袁太整的肉醬袁生完全沒有負面評價 , 而他亦喜愛芝士 , 不過我知佢一向就麻麻地豆腐 (玉子豆腐除外) , 心想佢會唔會只食肉醬唔食豆腐呢 ???



不過當晚餐開始的時候 , 見袁生不停食 , 其實都唔需要刻意問 , 答案自然呼之欲出呢 ^^



材料 : 牛肉碎 , 豬肉碎 , 蕃茄 , 煙肉 , 洋蔥 , 芹菜 , 茄膏 , 雞湯 , 巴馬臣芝士碎 , 硬豆腐 , 鹽 , 黑胡椒碎 , 水




牛肉碎及豬肉碎放入大碗內加少許鹽 , 黑胡椒拌勻靜待30分鐘 , 煙肉切粒 , 洋蔥去皮切粒 , 芹菜莖切段 , 洋蔥粒及芹菜莖用水沖洗及瀝乾水份 , 蕃茄洗淨切粒















煲內加入少許油 , 將芹菜段 , 洋蔥粒及蕃茄粒拌炒至出茄油 , 再加入煙肉炒至熟透 , 加入肉碎拌勻炒至轉色 , 逐一加入茄膏 , 雞湯及500ml水拌勻 , 用中火煮滾後轉慢火蓋上蓋煮1小時






















期間要不時攪拌以免黏底 , 蓋上蓋繼續煮 , 煮1小時後加入少許鹽及黑胡椒碎調味 , 熄火焗10分鐘成肉醬











焗爐用180C預熱10分鐘 , 將硬豆腐放入鑊中用慢火慢慢煎至兩面金黃色盛起 , 淋上肉醬 , 再灑上芝士碎 , 放入焗爐用150C上火焗10分鐘至芝士溶化即可
















材料
牛肉碎200g , 豬肉碎100g , 蕃茄3個 , 煙肉3片 , 洋蔥1個 , 芹菜2扎 , 茄膏2湯匙 , 雞湯250ml , 芝士碎 , 硬豆腐1磚 , 鹽 , 黑胡椒碎 , 水500ml



做法
1. 牛肉碎及豬肉碎放入大碗內加少許鹽 , 黑胡椒拌勻靜待30分鐘 

2.  煙肉切粒 , 洋蔥去皮切粒 , 芹菜莖切段 

3. 洋蔥粒及芹菜莖用水沖洗及瀝乾水份 , 蕃茄洗淨切粒

4. 煲內加入少許油 , 將芹菜段 , 洋蔥粒及蕃茄粒拌炒至出茄油 

5. 再加入煙肉炒至熟透 

6. 加入肉碎拌勻炒至轉色 , 逐一加入茄膏 , 雞湯及500ml水拌勻 

7. 用中火煮滾後轉慢火蓋上蓋煮1小時 

8. 期間要不時攪拌以免黏底 , 蓋上蓋繼續煮 , 煮1小時後加入少許鹽及黑胡椒碎調味 

9. 熄火焗10分鐘成肉醬

10. 焗爐用180C預熱10分鐘 

11. 將硬豆腐放入鑊中用慢火慢慢煎至兩面金黃色盛起 , 淋上肉醬 , 再灑上芝士碎 

12. 放入焗爐用150C上火焗10分鐘至芝士溶化即可 




肉醬除左配麵 , 配飯 , 配闊麵外 , 原本配豆腐都一樣美味呢 ^^





26 則留言:

  1. 好好味呀!配手搞麵一齊食!2件外賣呀吾該!

    回覆刪除
  2. 呢個餐出外面食就貴囉。 我鍾意你個生鐵pan。

    回覆刪除
    回覆
    1. 個生鐵pan係淘寶買既呢,可以入焗爐好方便

      刪除
  3. 焗得好靚, 中西混合好有創意!!

    回覆刪除
    回覆
    1. 我平時都係配意粉多,估唔到配豆腐都好夾

      刪除
  4. 我覺得肉醬真係抗拒唔到架...HAHAAA

    回覆刪除
  5. 肉醬配豆腐好正喎

    回覆刪除
  6. 肉醬我好愛,多多都食到

    回覆刪除
  7. 我都一樣鐘意食肉醬

    回覆刪除
  8. 袁太整的肉醬好足料,我每次食肉醬都係超市買現成一包包,好難食架

    回覆刪除
  9. 肉醬我只會配意粉同闊麵,不過估唔到原本配豆腐都得喎

    回覆刪除
    回覆
    1. 我都估唔到肉醬同豆腐原來可以好夾

      刪除
  10. 我相信濃味的肉醬配清淡的豆腐,一定好夾

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......