2017年7月23日 星期日

[奶皇餡] 脆脆西多士




今朝無端端掛8號波 , 下午時份又轉番3號波 , 其實我都唔知天文台出風球黎做咩 , 又唔係特別大風 , 雨就更加唔太大 , 平時星期日街市一向唔多人 , 今朝晨早八點幾去買餸已經迫爆 , 超市亦多人 , 周圍都多人 , 快快手買完就回家呢 , 袁太想問下大家喜唔喜歡隔夜包呢 ??? , 袁太對隔夜包絕對冇咩好感 , 有時仲快快手掉左佢添 , 現在想想 ...... 真係有點浪費 ......



之前買左白方包回家整三文治 , 還用剩好多片 , 隔左一晚見它還是軟熟 , 決定整個下午茶來嘆嘆 , 本應想整花生醬餡西多士 , 但原來花生醬已沽清 , 咁就不如整傳統的西多士 , 配牛油 , 糖漿吧 , 不過袁生又話唔想食傳統的西多士 , 因我知道佢唔係太喜歡糖漿 , 唯有又轉轉方法



係廚房見到有吉士粉剩 , 咁就不如整袁生最愛的奶皇餡做西多士 , 呢個餡料唔會傳統喇掛 , 先整左個奶皇餡放入冰箱冷藏片刻 , 再塗上麵包內 , 再沾蛋漿及灑上麵包糠入煲炸 , 加入麵包糠 , 令西多士更加變得脆脆 , 金金黃黃靚靚的西多士就完成 , 唔需要加牛油係西多士面 , 只要再淋上少許糖漿就食得 , 簡單得來又美味的西多士 , 就成為袁生袁太當日的下午茶點 , 如果配上一杯咖啡 , 奶茶或紅豆冰 , 就真係爽到爆 , 而且內裡的奶皇餡甜甜 , 同西多士都夾得到呢 ^^



材料 : 白方包 , 雞蛋 , 牛奶 , 牛油 , 吉士粉 , 麵包糠 , 白砂糖 , 淡奶 , 糖漿




1隻雞蛋打入碗內 , 先加入100ml鮮奶 , 吉士粉拌勻 , 將餘下的150ml鮮奶放入煲內 , 加入花奶 , 砂糖及牛油拌勻 , 用慢火一路煮一路用打蛋煮至濃稠 , 熄火倒入器皿內靜待10分鐘至涼 , 再蓋上保鮮紙入冰箱冷藏30分鐘






















 




將餘下2隻雞蛋打入大碗內 , 加入1湯匙糖 , 80ml牛奶拌勻 , 將適量的奶皇餡塗上一片白麵包上 , 再將一片白麵包蓋上 , 放入蛋液內沾至每面完全吸收蛋液 , 再灑上麵包糠
















煲內加入油燒熱 , 放入麵包用慢火慢慢炸至兩面金黃色 , 盛起淋上糖漿即可

 






材料
白方包 , 雞蛋3隻 , 牛奶330ml , 牛油 , 吉士粉2湯匙 , 麵包糠 , 白砂糖45g , 淡奶50ml , 糖漿



做法
1. 1隻雞蛋打入碗內 , 先加入100ml鮮奶 , 吉士粉拌勻 

2. 將餘下的150ml鮮奶放入煲內 , 加入花奶 , 砂糖及牛油拌勻 

3. 用慢火一路煮一路用打蛋煮至濃稠 , 熄火倒入器皿內靜待10分鐘至涼 

4. 再蓋上保鮮紙入冰箱冷藏30分鐘

5. 將餘下2隻雞蛋打入大碗內 , 加入1湯匙糖 , 80ml牛奶拌勻 

6. 將適量的奶皇餡塗上一片白麵包上 , 再將一片白麵包蓋上 

7. 放入蛋液內沾至每面完全吸收蛋液 , 再灑上麵包糠 

8. 煲內加入油燒熱 , 放入麵包用慢火慢慢炸至兩面金黃色 , 盛起淋上糖漿即可




香濃的奶皇餡做餡料 , 比起傳統的花生醬餡 , 芝士火腿餡美味得多呢 ^^





24 則留言:

  1. 你真係好心机,整西多都要咁特式口味,你相公真幸福!

    回覆刪除
  2. 好有特色嘅西多士,不過,你地食咁多香口食物,真要耐不耐飲啲嘢清下熱。
    其實方包食唔曬可以放在冰箱,解凍仍然好軟熟,而且可以放很多日都可以。

    回覆刪除
    回覆
    1. 我未試過放係冰箱,多謝EE的提點呢

      刪除
  3. 奶皇餡的西多士,好特別,另外特別加麵包糠一齊炸,真會變得好脆口呢

    回覆刪除
  4. 袁生有袁太呢位滿分的老婆,真係非常非常幸福

    回覆刪除
  5. 炸得好靚金金黃黃的西多士,而且用上奶皇餡,好特別

    回覆刪除
  6. 好想食呀, 睇見到流口水, 袁太好叻👍🏻

    回覆刪除
    回覆
    1. 只係唔想食傳統的餡料,所以試下整其他餡,估唔到咁夾

      刪除
  7. 哩個係我港式下午茶最愛!花生醬餡最正!

    回覆刪除
    回覆
    1. 花生醬餡我都鐘意,不過奶皇餡仲好味呢

      刪除
  8. 西多士係我最愛的下午茶之一

    回覆刪除
  9. 好邪惡呀, 肥人減緊肥架袁太, 你咁引我既!

    回覆刪除
  10. 奶皇餡的西多,好創新

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......