2017年10月10日 星期二

白蘿蔔蝦米燕麥肉碎飯





最近的天氣悶熱又悶焗 , 由於唔想逗留廚房太長時間的關係 , 最近都係煮炒粉麵或煲湯多 , 因為一碟一碗過 , 又係快 ... 靚 ... 正 ..... 的好選擇 ......



不過無論天氣熱或者冷 , 袁太都喜歡煮熱辣辣的有味飯 , 唔知點解 , 袁太真係好鬼鐘意食有味飯既呢 , 之但係袁生本身唔係太鐘意食有味飯 , 所以每逢煮有味飯 , 都會以袁生喜歡的食材黎做大前提作考慮之選 , 而今次又選擇用上白蘿蔔同蝦米呢對組合 , 袁太廚房永遠都會有蝦米的蹤影 , 一來袁生喜愛 , 二來蝦米可以用來煮湯 , 炒菜咩都得 , 真係好多用途 , 好方便架



其實煮呢個飯好簡單 , 炒好材料放入飯煲按製煮就得 , 今次的豬肉碎仲加入燕麥片 , 感覺健康不少 , 仲記得以前袁太媽咪都成日整呢個蘿蔔飯俾我食 , 真係好好味呢 ^^



材料 : 白米 , 蝦米 , 白蘿蔔 , 燕麥片 , 上湯 , 豬肉碎 , 蒜頭 , 蔥 , 糖 , 胡椒粉




豬肉碎放入大碗內 , 加入燕麥片及醃料拌勻靜待30分鐘 , 蝦米浸水片刻至軟身 , 蔥切粒 , 蒜頭去衣切粒 , 白蘿蔔去皮切粗條 , 浸蝦米水留起 , 蝦米用水沖一沖洗及瀝乾 , 白米亦用水沖一沖洗及瀝乾

















燒紅鑊 , 先爆香蒜粒及蝦米 , 加入白蘿蔔條拌勻炒數分鐘 , 逐少加入約50ml上湯拌勻 , 用中火拌勻炒至上湯收乾 , 再加入50ml上湯再拌勻炒至上湯收乾水份 , 再加上湯拌勻炒至收乾水份 , 直至白蘿蔔成半熟狀態就可


















加入白米拌勻炒數分鐘後 , 將材料放入飯煲內 , 加入之前醃好的豬肉碎 , 加入浸蝦米水及餘下份量的上湯拌勻(如煮飯的水量唔夠 , 可自行加入水至日常煮飯的份量) , 按製煮至飯熟後焗30分鐘 , 最後灑上蔥粒拌勻即可






















材料
白米2 1/2杯 , 蝦米 , 白蘿蔔1條 , 燕麥片2湯匙 , 上湯350ml , 豬肉碎 , 蒜頭1/2個 , 蔥 , 糖 , 胡椒粉

醃料
生抽 , 糖 , 油 , 胡椒粉 


做法
1. 豬肉碎放入大碗內 , 加入燕麥片及醃料拌勻靜待30分鐘 

2. 蝦米浸水片刻至軟身 , 蔥切粒 , 蒜頭去衣切粒 

3. 白蘿蔔去皮切粗條 

4. 浸蝦米水留起 , 蝦米用水沖一沖洗及瀝乾 , 白米亦用水沖一沖洗及瀝乾

5. 燒紅鑊 , 先爆香蒜粒及蝦米 

6. 加入白蘿蔔條拌勻炒數分鐘 , 逐少加入約50ml上湯拌勻 

7. 用中火拌勻炒至上湯收乾 , 再加入50ml上湯再拌勻炒至上湯收乾水份 

8. 再加上湯拌勻炒至收乾水份 , 直至白蘿蔔成半熟狀態就可

9. 加入白米拌勻炒數分鐘後 , 將材料放入飯煲內 

10. 加入之前醃好的豬肉碎 

11. 加入浸蝦米水及餘下份量的上湯拌勻(如煮飯的水量唔夠 , 可自行加入水至日常煮飯的份量) 

12. 按製煮至飯熟後焗30分鐘 , 最後灑上蔥粒拌勻即可
 



袁太向大家推介呢個"燕麥肉碎飯" , 真係好香好香 , 大家有機會都試下整呢 ^^





24 則留言:

  1. 有味飯我鐘意

    回覆刪除
  2. 加入燕麥健康得多

    回覆刪除
  3. 回覆
    1. 白蘿蔔真係好多煮法,點煮都好味

      刪除
  4. 呢個我成日都識架, 因為真係好方便呢~
    我多數係落蝦乾呢, 冬天就會落臘腸呢~

    回覆刪除
  5. 白蘿蔔飯,一定好好味道

    回覆刪除