2017年11月13日 星期一

焗千層肉醬闊麵




又黎焗爐食譜 , 自從廚房有番個焗爐之後 , 可以煮番好耐都冇煮過既野 , 繼上次的焗豬扒飯同煨蕃薯大獲好評後 , 今次有佢~焗千層肉醬闊麵~......



大家都知有肉醬就即係=袁生的最愛 , 之前講過袁太唔係太愛肉醬 , 因總覺得肉醬食少少已經好滯 , 不過如果配闊麵我又唔同講法喎 , 皆因我鐘意食闊麵 , 闊麵我一向都係買呢個牌子 , 之前行日式超市見做95折 , 就買定放係屋企做存貨




本身已經晨早買晒材料 , 醃好肉碎 , 煮好肉醬 , 又焗好晒 , 點知突然有事要出外 , 回到家後發覺已經變左宵夜時段 , 唔知大家一向的宵夜時段係幾多點呢 ??? 我同袁生就一向早食晚飯 , 所以每逢夜晚九點後 , 對我地黎講 , 已經係宵夜時段呢 , 雖然呢個闊麵超好味 , 不過咁夜先黎食 , 真係好味又邪惡 , 不過袁太上網search過肉醬闊麵的食譜 , 大多數都會加入白汁 , 白汁呢樣野我同袁生就唔太鐘意 , 所以就飛走白汁 , 簡簡單單只用闊麵 , 肉醬同芝士 , 都一樣咁好味道呢 ^^

 

材料 : 闊麵 , 免治牛肉碎 , 豬肉碎 , 煙肉 , 洋蔥 , 茄膏 , 上湯 , 鹽 , 黑胡椒碎 , 蕃茄 , 芹菜 , Mozzarella芝士碎 , 巴馬臣芝士碎 , 焗盤




免治牛肉碎及豬肉碎放入大碗內加少許鹽 , 黑胡椒碎拌勻靜待30分鐘 , 期間將洋蔥去衣切粒 , 芹菜莖切粒 , 煙肉切細片 , 芹菜莖用水沖一沖洗及瀝乾 , 蕃茄洗淨切粒















內加少許油先爆香蕃茄至出茄油 , 加入洋蔥 , 芹菜莖及煙肉拌炒數分鐘 , 再加入肉豬肉碎拌勻炒至轉色 , 逐一加入2湯匙茄膏 , 上湯及水(500ml)拌勻 , 先用中火煮滾後蓋上蓋轉慢火煮1小時(期間要不時攪拌肉醬 , 以免黏底 , 蓋上蓋繼續煮) 






















煮1小時後熄火焗30分鐘 , 再加少許鹽及黑胡椒碎拌勻調味肉醬備用








Mozzarella芝士及巴馬臣芝士碎放入碗內拌勻 , 焗盆內先放上一層肉醬 , 再放上一片闊麵 , 再放上肉醬 , 灑上芝士碎 , 再重複幾次放上一片闊麵 >> 肉醬 >> 芝士碎至滿 , 期間焗爐用200C預熱10分鐘 






















將肉醬闊麵放入焗爐內 , 用200C上下火焗20分鐘至芝士溶化成金黃色 , 取出靜待10分鐘即可









材料
闊麵3-4片 , 免治牛肉碎150g , 豬肉碎150g , 煙肉2片 , 洋蔥1個 , 茄膏2湯匙 , 上湯300ml , 鹽 , 黑胡椒碎 , 蕃茄3個 , 芹菜1扎 , Mozzarella芝士碎 , 巴馬臣芝士碎 , 焗盤



做法
1. 免治牛肉碎及豬肉碎放入大碗內加少許鹽 , 黑胡椒碎拌勻靜待30分鐘 

2. 期間將洋蔥去衣切粒 , 芹菜莖切粒 , 煙肉切細片 

3. 芹菜莖用水沖一沖洗及瀝乾 , 蕃茄洗淨切粒

4. 煲內加少許油先爆香蕃茄至出茄油 

5. 加入洋蔥 , 芹菜莖及煙肉拌炒數分鐘 , 再加入肉豬肉碎拌勻炒至轉色 

6. 逐一加入2湯匙茄膏 , 上湯及水(500ml)拌勻 

7. 先用中火煮滾後蓋上蓋轉慢火煮1小時
   (期間要不時攪拌肉醬 , 以免黏底 , 蓋上蓋繼續煮)  

8. 煮1小時後熄火焗30分鐘 , 再加少許鹽及黑胡椒碎拌勻調味肉醬備用

9. Mozzarella芝士及巴馬臣芝士碎放入碗內拌勻 , 焗盆內先放上一層肉醬 

10. 再放上一片闊麵 , 再放上肉醬 , 灑上芝士碎 

11. 再重複幾次放上一片闊麵 >> 肉醬 >> 芝士碎至滿 

12. 期間焗爐用200C預熱10分鐘 

13. 將肉醬闊麵放入焗爐內 , 用200C上下火焗20分鐘至芝士溶化成金黃色 

14. 取出靜待10分鐘即可




剛剛焗好 , 芝士成金黃色熱辣辣超好味 , 肉醬闊麵一定要多多芝士先好味呢 ^^





18 則留言:

  1. 我跟你相反,我最鍾意食肉醬,不過我煮得唔好食。但就最唔鍾意食lasagne

    回覆刪除
  2. 肉醬我麻麻地,不過見袁太整得咁靚,我又想食喎

    回覆刪除
    回覆
    1. 我都係麻麻地肉醬,不過肉醬意粉我都幾鐘意食

      刪除
  3. 呢個咁多芝士,好魔鬼呀

    回覆刪除
    回覆
    1. 袁生話一定要多多芝士先好味喎

      刪除
  4. 我地妟食晚飯呀,通常成九點先食完~

    回覆刪除
  5. 九點鐘...肥人先係開飯時間呢...hahaha

    回覆刪除