2017年12月14日 星期四

涼瓜魚肉煎蛋角




袁太一向都好愛吃涼瓜 , 無論煲湯 , 炆豬手 , 炒牛肉我統統都愛 , 不過用來煎蛋角我就大愛 ... 愛 ... 愛 ...



最愛係涼瓜菜甫煎蛋 , 蛋要煎到金金黃黃燶邊 , 脆脆口 , 經常同袁生爭邊位食 , 不過最近袁生唔多喜愛食菜甫 , 可以話唔知咩原因突然好討厭菜甫 , 睇怕菜甫要打入冷宮了 , 咁唯有轉一轉材料



蝦還是鯪魚肉好 ??? 袁生選擇了鯪魚肉 , 配合涼瓜一齊做餡料 , 味道應該唔會差 , 將雞蛋煎成蛋角型 , 一個個金金黃黃脹卜卜的蛋角 , 再加一碗白飯 , 滿足呢 ^^  



材料 : 涼瓜 , 鯪魚肉 , 雞蛋 , 蔥粒 , 麻油 , 胡椒粉 , 鹽 , 生粉




涼瓜切半去襄切成細薄片 , 放入大碗中加少許鹽拌勻靜待30分鐘 , 30分鐘後用水沖一沖洗涼瓜片及瀝乾水份 , 加入熱水後再渣乾水份備用


















雞蛋打入碗中 , 加少許麻油及胡椒粉調味拌勻打成蛋液 , 加入涼瓜片及加1茶匙生粉拌勻 , 再加入魚肉 , 蔥粒拌勻靜待10分鐘 , 燒紅鑊 , 將適量的蛋液放入鑊中煎至半凝固 , 再用鑊鏟將蛋液對摺成蛋角型 , 慢慢煎至兩面金黃色即可
























 
材料
涼瓜1條 , 鯪魚肉$10 , 雞蛋6隻 , 蔥粒 , 麻油 , 胡椒粉 , 鹽 , 生粉



做法
1. 涼瓜切半去襄切成細薄片 , 放入大碗中加少許鹽拌勻靜待30分鐘 

2. 30分鐘後用水沖一沖洗涼瓜片及瀝乾水份 , 加入熱水後再渣乾水份備用 

3. 雞蛋打入碗中 , 加少許麻油及胡椒粉調味拌勻打成蛋液 

4. 加入涼瓜片及加1茶匙生粉拌勻 

5. 再加入魚肉 , 蔥粒拌勻靜待10分鐘 

6. 燒紅鑊 , 將適量的蛋液放入鑊中煎至半凝固 , 再用鑊鏟將蛋液對摺成蛋角型 

7. 慢慢煎至兩面金黃色即可 




呢個煎蛋角煎到金金黃黃 , 真想快快咬一啖呢 ......





18 則留言:

  1. 您煎得好靚呀,呢味我一家都鐘意呀,但我冇心機逐個煎,通常煎一餅就算,哈哈!

    回覆刪除
    回覆
    1. 我以前都好懶煎一大塊就算,不過袁生話鐘意一塊塊細,所以咪就佢煎細塊d囉

      刪除
  2. 我鐘意食涼瓜,呢個煎蛋一定啱我食

    回覆刪除
  3. 煎得好靚,不過我怕怕涼瓜

    回覆刪除
  4. 煎得好金黃,可惜我唔食涼瓜

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......