2018年1月7日 星期日

黑豆桑寄生蛋棗茶




之前袁太曾經煲過桑寄生蓮子蛋茶 , 大家知喇 , 買一盒桑寄生番黎 , 至少都要分五 , 六次去煲先用得晒整整一盒 , 所以見最近天氣持續寒冬 , 一於再煲桑寄生糖水養生兼暖胃先得 ......



其實大部份人煲桑寄生都離不開配蓮子 , 圓肉 , 雞蛋煮成雞蛋茶 , 袁太之前都唔例外 , 都係用呢幾樣材料 , 今次就稍為轉一轉材料 , 桑寄生照舊做主打 , 飛走圓肉杞子 , 換成紅棗 , 由於廚房得番好少好少蓮子的關係 , 所以就加入黑豆同煮 , 而雞蛋就轉換成鵪鶉蛋 , 呢個糖水當然唔少得片糖的甜味



平時袁太都幾鐘意食鵪鶉蛋 , 感覺鵪鶉蛋比雞蛋香好多 , 不過鵪鶉蛋膽固醇都幾勁 , 都係每人兩至三粒適可而止好 , 而且桑寄生 , 紅棗 , 黑豆全部都好有益 , 而桑寄生有安胎作用 , 另還有降血壓 , 強筋骨 , 行氣活血 , 滋陰養顏 , 治腰痛及消腫的療效呢 ^^



材料 : 桑寄生 , 蓮子 , 紅棗 , 黑豆 , 鵪鶉蛋 , 片糖 , 魚袋 , 水




鵪鶉蛋放入煲內 , 加水用慢火煮10分鐘 , 期間將桑寄生放入魚袋內索緊 , 鵪鶉蛋煮10分鐘至熟透後盛起用水沖洗待涼 , 再去殼 , 紅棗去核 , 蓮子及黑豆用水沖一沖洗及瀝乾


















魚袋放入煲內加入3500ml水 , 用中火先煲15分鐘至滾起 , 加入蓮子 , 黑豆及紅棗再煮滾 , 蓋上蓋轉慢火煲1小時 , 期間小心滾瀉 , 1小時後將魚袋盛起去掉 , 加入鵪鶉蛋 , 再蓋上蓋繼續用慢火煲15分鐘

















最後加入片糖拌勻 , 轉用中火煮至片糖完全溶掉後熄火焗20分鐘即可











材料
桑寄生120g , 蓮子 , 紅棗6粒 , 黑豆 , 鵪鶉蛋12隻 , 片糖2磚 , 魚袋1個 , 水3500ml



做法
1. 鵪鶉蛋放入煲內 , 加水用慢火煮10分鐘 

2. 期間將桑寄生放入魚袋內索緊 

3. 鵪鶉蛋煮10分鐘至熟透後盛起用水沖洗待涼 , 再去殼 

4. 紅棗去核 , 蓮子及黑豆用水沖一沖洗及瀝乾

5. 魚袋放入煲內加入3500ml水 , 用中火先煲15分鐘至滾起 

6. 加入蓮子 , 黑豆及紅棗再煮滾 , 蓋上蓋轉慢火煲1小時 

7. 期間小心滾瀉 

8. 1小時後將魚袋盛起去掉 , 加入鵪鶉蛋 , 再蓋上蓋繼續用慢火煲15分鐘

9. 最後加入片糖拌勻 , 轉用中火煮至片糖完全溶掉後熄火焗20分鐘即可




用有益的材料煲成有益暖身的糖水 , 係天氣寒冷的最佳補品呢 ^^






20 則留言:

  1. 好補好有益呀

    回覆刪除
  2. 今星期天氣凍,見到呢款糖水已經感覺好暖身

    回覆刪除
  3. 桑寄生絕對係女性恩物

    回覆刪除
  4. 呢個糖水好補呀

    回覆刪除
  5. 呢個茶我好中意飲, 又易煲呢~

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......