2018年3月15日 星期四

清燉牛肉湯




領展下的街市裝修終於殺到黎袁太住個區 , 呢個街市袁太都係度買左十幾年餸 , 同d姐姐婆婆叔叔都買到熟晒 , 要裝修真的好不捨 , 由於就快裝修的關係 , 好多舖頭都進行清貨大平賣 , 急凍店同雜貨店就減價清貨 , 發現急凍店還有靚靚牛展 , 心大心細的情況下買左一條 , 本應想用黎炆 , 但係街市行不行下 , 又唔想用來炆喎 , 亦唔想用來炒 , 咁就決定用來煲湯 , 煲一道袁太一直都好想煲的湯 ...... 



呢款湯就係~清燉牛肉湯~
袁太知道牛肉湯係一道補身的湯水 , 因牛肉可以健脾 , 補氣血的功效 , 不同體質的朋友仔都可以用來強身健體 , 特別對~久病體虛~ , ~中氣下陷~ , ~氣短~ , ~唇白~ , ~面色發黃 (袁太)~ , ~容易腹瀉 (袁生)~及~手足冰冷 (袁生)~的朋友 , 如果加埋紅棗一齊煲 , 仲能~補中益氣~ , ~助肌生長並促進傷口癒合~添 , 不過袁太今次就冇加入紅棗 (只因廚房剛巧冇貨)



呢款湯水煲好後湯頭仍然非常清晰 , 但味道絕對唔淡 , 有好香的牛肉香味 , 如果大家喜歡既可以加入白飯變成湯飯 , 又或者加個麵用來做成牛肉湯麵都同樣美味 , 而且袁生一向都好鐘意食牛展 , 呢個湯完全啱晒佢口味 , 佢一個人都食左好多牛展呢 ^^



材料 : 白蘿蔔 , 甘旬 , 椰菜 , 蕃茄 , 洋蔥 , 牛展 , 薑 , 酒 , 蔥 , 鹽 , 胡椒粉




牛展放入煲內 , 加少許酒及水 , 用中火煮至滾起轉色 , 盛起用水沖一沖洗及瀝乾 , 白蘿蔔去皮 , 甘旬去皮 , 洋蔥去衣 , 分別將白蘿蔔切厚片 , 甘旬切片 , 洋蔥切件 , 椰菜切大塊 , 蕃茄切件 , 薑去皮切絲 , 蔥切段及切粒

 












煲內放入白蘿蔔 , 甘旬 , 洋蔥 , 薑絲及蔥段用中火拌炒數分鐘 , 再加入蕃茄 , 牛展及熱水拌勻 , 用中火煲至滾起 , 加入椰菜拌勻再煲滾 , 蓋上蓋轉慢火煲1 1/2小時




















1 1/2小時後將牛展取出待涼 , 牛肉湯內的白蘿蔔片盛起放入大碗內 , 再將牛肉湯的湯渣隔去 , 牛展切厚件放回湯煲內 , 倒入牛肉湯 , 加少許鹽調味拌勻 , 用大火再煲滾後熄火焗30分鐘即可



















材料
白蘿蔔1條 , 甘旬1條 , 椰菜1個 , 蕃茄2個 , 洋蔥1個 , 牛展1條 , 薑 , 酒 , 蔥 , 鹽 , 胡椒粉



做法
1. 牛展放入煲內 , 加少許酒及水 , 用中火煮至滾起轉色 

2. 盛起用水沖一沖洗及瀝乾 

3. 白蘿蔔去皮 , 甘旬去皮 , 洋蔥去衣 

4. 分別將白蘿蔔切厚片 , 甘旬切片 , 洋蔥切件 , 椰菜切大塊 

5. 蕃茄切件 , 薑去皮切絲 , 蔥切段及切粒

6. 煲內放入白蘿蔔 , 甘旬 , 洋蔥 , 薑絲及蔥段用中火拌炒數分鐘 

7. 再加入蕃茄 , 牛展及熱水拌勻 , 用中火煲至滾起

8. 加入椰菜拌勻再煲滾 , 蓋上蓋轉慢火煲1 1/2小時

9. 1 1/2小時後將牛展取出待涼 , 牛肉湯內的白蘿蔔片盛起放入大碗內 

10. 再將牛肉湯的湯渣隔去 

11. 牛展切厚件放回湯煲內

12. 倒入牛肉湯 , 加少許鹽調味拌勻 , 用大火再煲滾後熄火焗30分鐘即可  




牛肉湯的顏色非常清晰 , 飲落仲有濃郁的牛肉味 , 超正又有益呢 ^^






22 則留言:

  1. 這個湯正啊, 唔該外賣一碗! 😊

    回覆刪除
  2. 袁太煲的湯水永遠都好吸引

    回覆刪除
  3. 正呀~我有時都整俾老公飲呢~!

    回覆刪除
  4. 牛肉湯好好味道

    回覆刪除
  5. 好有益的牛肉湯

    回覆刪除