2018年3月17日 星期六

[轉場] 秀茂坪街市




上次講到袁太屋企附近街市要裝修 , 要轉場搵第二區街市買餸 , 大家可能會問 , 住個區沒有第二個街市嗎 ??? 其實上面條邨還有一個街市 , 只不過唔多野賣 , 袁太唔喜歡行呢個街市呢 ......



所以當之前知道街市會裝修 , 袁太都搭車去左幾個街市行左一圈 , 已選擇未來幾個月的轉場地方 , 第一個選擇係佢 ~秀茂坪街市~ , 係屋企行去隔離商場的小巴站 , 有途經秀茂坪的小巴 , 分段收費每程$3.6 , 上車計7-8分鐘就落車 , 落車過條馬路仔就到街市 , 都算方便 , 呢個街市買的野好齊全 , 而且袁生最愛的海鮮 , 呢個街市有好多選擇 ,等我為大家逐一介紹有咩買喇 ^^



首先蔬菜店都有好多間 , 蔬菜價錢ok , 望落新鮮乾淨 , 當然亦有賣竹庶 , 牛蒡個類藥材店






  



 

海鮮種類繁多 , 袁生見到一定雙眼發光呢 , 淨係蜆都咁多款呢













牛肉檔 , 豬肉檔 , 凍肉店 & 豆腐店














雜貨店都好多野賣 , 亦有糖果賣 , 呢度鴨蛋只買兩蚊 , 袁太個邊街市買4蚊/隻呢 , 亦有臘腸賣 , 袁太最愛肥嘟嘟個款臘腸呢











  

生果店






  

燒臘店都有幾間





  

士多 , 麵包店 , 東南亞材料店 , 涼茶 , 報檔 , 水電冷氣 , 家品 , 香燭 , 賣衫 , 中醫診所咩都有























最後有熟食的店舖 , 有粥店 , 有魚蛋王 , 有上海美食 , 仲有小食店添





 

20 則留言:

  1. 個街市D貨都好齊全,又幾平喎.

    回覆刪除
    回覆
    1. 平過買開的街市,而且地下乾淨,唔會濕淋淋

      刪除
  2. 個街市真係包羅萬有

    回覆刪除
  3. 好多野買,而且價錢合理

    回覆刪除
  4. 好多野買, 地方都好乾淨. 我好怕濕地下.

    回覆刪除
    回覆
    1. 呢個街市好多野賣,而且地下乾淨,好好行

      刪除
  5. 回覆
    1. 係呀,呢個街市唔錯,多野賣,價錢平,地下又乾淨

      刪除
  6. 我覺得街市一定要多嘢買,咪唔會想去~~如果地下乾爽就更好啦!

    回覆刪除
    回覆
    1. 呢個街市真係好多野賣,地下仲好乾淨添

      刪除
  7. 呢個街市好多野賣呀

    回覆刪除
  8. 街市最緊要係要地下乾淨,千其唔好濕淋淋

    回覆刪除
  9. 呢個街市唔錯,種類繁多

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......