2018年3月19日 星期一

竹庶矛根馬蹄水




天氣時冷時熱 , 覺得凍的時候例牌打邊爐做晚餐 , 懶煮飯 , 不過每當打完爐一定好熱氣 , 所以每次打爐後 , 袁太都會煲水飲清清熱 , 而呢個必需的飲品 , 就係竹庶水 , 以往煲竹庶水我會配矛根 , 馬蹄 , 粟米 , 甘旬一齊煲 , 不過後來發現一直咁煲原來係錯 ......



去買竹庶的地方 , 檔口哥哥仔問我係咪諗住煲竹庶水 , 我話係 , 個哥哥仔好好人教我應該點樣煲 , 我當然仲以為自己好醒咁同人講 , 通常都係配矛根 , 粟米個d喇 , 點知人地就教我千其唔好落粟米 , 唔好落甘旬或紅蘿蔔 , 只需要四樣材料 ~竹庶 , 矛根 , 馬蹄 , 糖冬瓜~ , 話如果加入粟米同甘旬會蓋過晒竹庶的香味 , 只用呢四樣材料去煲 , 就可以飲到竹庶本身的清甜味咁話喎



其實袁太諗諗下又係喎 , 以往加粟米甘旬煲 , 味道只係得粟米的甜味 , 真係唔係好感受到竹庶本身的味道 , 所以就跟哥哥仔講的方法照煲 , 只用四樣材料煲佢粒幾鐘 , 煲好熱飲凍飲都得 , 我就鐘意熱 , 袁生就鐘意凍既 , 打完邊爐咁熱氣 , 飲番杯竹庶水清熱都好好架 , 唔加粟米唔加甘旬 , 只用竹庶同其餘材料 , 煲完真係有好濃好香的竹庶味道 , 以後煲竹庶水我都唔會再落粟米同甘旬呢 ^^



材料 : 竹庶 , 馬蹄 , 矛根 , 糖冬瓜 , 水




竹庶用水沖洗乾淨 , 用刀斬成細條 , 矛根切段 , 用水沖一沖洗及瀝乾 , 馬蹄用水慢慢洗掉周圍的泥 , 切去頭尾後用刀拍碎  , 用水沖一沖洗及瀝乾
















煲內逐一放入竹庶 , 矛根及馬蹄 , 加入3000ml水拌勻 , 用中火煲至微滾後 , 盛起面上泡泡去掉 , 拌一拌勻煲內材料 , 用中火煲至大滾 , 蓋上蓋轉慢火煲1 1/2小時 , 期間小心滾瀉
















1 1/2小時後加入糖冬瓜拌勻 , 蓋上蓋轉用中火煲10分鐘 , 再熄火焗30分鐘即可












材料 
竹庶2條 , 馬蹄8粒 , 矛根 , 糖冬瓜 , 水3000ml



做法
1. 竹庶用水沖洗乾淨 , 用刀斬成細條 

2. 矛根切段 , 用水沖一沖洗及瀝乾

3. 馬蹄用水慢慢洗掉周圍的泥 , 切去頭尾後用刀拍碎  , 用水沖一沖洗及瀝乾

4. 煲內逐一放入竹庶 , 矛根及馬蹄 , 加入3000ml水拌勻 

5. 用中火煲至微滾後 , 盛起面上泡泡去掉 

6. 拌一拌勻煲內材料 , 用中火煲至大滾 , 蓋上蓋轉慢火煲1 1/2小時 

7. 期間小心滾瀉

8. 1 1/2小時後加入糖冬瓜拌勻 , 蓋上蓋轉用中火煲10分鐘 

9. 再熄火焗30分鐘即可




只用四樣簡單的材料 , 就可以有清潤的竹庶矛根水飲 , 無論天冷或炎熱的天氣都好適合呢 ^^






20 則留言:

  1. 原來係咁煲, 一路都加紅蘿蔔添😆

    回覆刪除
    回覆
    1. 我都係一向加甘旬同粟米,原來係錯既呢

      刪除
  2. 好清潤的飲品

    回覆刪除
  3. 好吸引,我都要買呢四樣材料跟住煲

    回覆刪除
  4. 我都經常煲竹庶水,每次都會用紅蘿蔔,下次都學袁太只用個四樣材料煲

    回覆刪除
  5. 原來馬碲可以連皮煲,今日我買來煲雪梨水,批幾粒馬碲都唔見左一半肉呀。

    回覆刪除
    回覆
    1. 係呀,原來馬蹄皮好有益架,我都好驚批馬蹄皮

      刪除