2018年5月26日 星期六

蜜汁焗叉燒




中式燒味裡面 , 我最愛係叉燒 , 最好係半肥瘦 , 以前係我住個頭得個兩間燒味店 , 其實個兩間我都買過黎食 , 不過味道對我來說就唔係咁討好 , 冇咩味道之餘 , 就算啱啱買回家食都已經覺得好硬 , 而且最重要既係衛生問題 ......



係街市的燒味店就咁攤晒d叉燒係度 , 有時見到去街市買野的老人家們 , 剛巧經過燒味店 , 有時都見到d老人家就咁用手摸d燒味 , 但又唔係買個喎 , 而且有時仲見到d烏英係燒味上面徘徊 , 都幾唔掂 , 所以最好就自己整 , 咁就又衛生 , 又健康 , 又好味 , 上網search好多blogger都用一樽樽的叉燒醬黎醃舊豬肉 , 不過我就唔鐘意用一樽樽的醬 , 感覺好鹹 , 一樽樽的醬我只會用海鮮醬 , 桂侯醬同豆瓣醬三款咋



其實自己整叉燒 , 只要買舊靚靚梅頭肉就可以 , 梅頭肉我就會選擇半肥瘦 , 如果大家唔怕肥 , 用腩肉整都得架 , 將舊梅頭肉用醃料醃一日 , 一定要醃一日先夠味 , 醃好就放係錫紙上 , 再掃上汁料 , 再放入焗爐焗 , 差不多焗好就掃蜜焗再焗



呢個叉燒的味道袁生非常喜歡 , 而且肉質嫩滑 , 偏瘦的位置都絕對唔鞋口 , 用來配白飯 , 配湯粉都一樣咁好味 , 如果加多隻煎蛋 , 就可以變成電影食神入面的"黯然銷魂飯"呢 ^^



材料 : 梅頭豬肉 , 蒜蓉 , 五香粉 , 酒 , 蜜糖 , 柱侯醬 , 腐乳 , 鹽 , 糖 , 錫紙 , 掃 , 蠔油 , 水




梅頭肉略為切件後放入大碗內 , 加入蒜蓉 , 五香粉 , 蜜糖  , 腐乳 , 醃料及50ml拌勻先靜待30分鐘 , 再蓋上保鮮紙放入雪櫃靜待一晚

















翌日將醃一晚的梅頭肉靜待10分鐘 , 期間將汁料拌勻 , 焗爐用220C預熱15分鐘 , 焗盤放上錫紙 , 將梅頭肉放上 , 一面掃上汁料後反轉另一面再掃上汁料 , 再用一張錫紙蓋上 , 放入焗爐用200C上下火先焗20分鐘





















20分鐘除去錫紙 , 將梅頭肉反轉 , 再蓋上錫紙入焗爐繼續用200C上下火焗20分鐘 , 盛起錫紙去掉 , 將一半汁料倒去 , 一面掃上蜜糖入焗爐轉用150C上火焗10分鐘 , 10分鐘後反轉梅頭肉 , 再掃上蜜糖 , 同樣放入焗爐繼續用150C焗10分鐘即可























材料
梅頭豬肉$56 , 蒜蓉 , 五香粉1湯匙 , 酒 , 蜜糖1茶匙 , 柱侯醬1湯匙 , 腐乳1湯匙 , 鹽 , 糖 , 錫紙 , 掃 , 蠔油 , 水

醃料
蠔油 , 生抽 , 酒 , 水50ml

汁料
柱侯醬1湯匙 , 酒 , 生粉 , 水1.5湯匙 , 腐乳1茶匙 , 生抽 ,蠔油1茶匙 



做法
1. 梅頭肉略為切件後放入大碗內 

2. 加入蒜蓉 , 五香粉 , 蜜糖  , 腐乳 , 醃料及50ml水拌勻先靜待30分鐘 

3. 再蓋上保鮮紙放入雪櫃靜待一晚

4. 翌日將醃一晚的梅頭肉靜待10分鐘 

5. 期間將汁料拌勻 

6. 焗爐用220C預熱15分鐘 

7. 焗盤放上錫紙 , 將梅頭肉放上 , 一面掃上汁料後反轉另一面再掃上汁料 

8. 再用一張錫紙蓋上 , 放入焗爐用200C上下火先焗20分鐘 

9. 20分鐘除去錫紙 , 將梅頭肉反轉 , 再蓋上錫紙入焗爐繼續用200C上下火焗20分鐘 

10. 盛起錫紙去掉 , 將一半汁料倒去 

11. 一面掃上蜜糖入焗爐轉用150C上火焗10分鐘 

12. 10分鐘後反轉梅頭肉 , 再掃上蜜糖 , 同樣放入焗爐繼續用150C焗10分鐘即可




自家製的叉燒絕對衛生又健康 , 無論配飯 , 配湯河 , 或用黎做撈麵都好好味呢 ^^








18 則留言: