2018年6月11日 星期一

七味椒鹽香煎鯖魚柳




有時晚餐諗唔到煮咩的時候 , 例牌都會簡單買魚煎同炒個菜就算 , 不過講開魚 , 我同袁生唔係咩魚都食 , 如果蒸的話我只會食鯇魚 , 袁生只會食桂花魚 , 但如果用來煎 , 我地就會好夾 , 都同樣喜歡鯖魚 ......



喜愛鯖魚的原因 , 係喜愛它煎完後個魚皮脆脆 , 好吸引 , 而且鯖魚柳骨唔算多 , 袁生可以食得好放心 , 而且價錢相當便宜 , 係急凍店買都係$20/3大條


  

整呢款鯖魚柳好簡單 , 只要用鹽及胡椒粉醃下佢 , 再拍上生粉 , 灑少許黑芝麻 , 再切件放入鑊用慢火慢慢煎至兩面金黃脆卜卜 , 食時灑上椒鹽同七味粉就食得 , 好鬼好味 , ~yummy yummy~呢 ^^



材料 : 鯖魚柳 , 鹽 , 生粉 , 七味粉 , 椒鹽 , 胡椒粉 , 黑芝麻 , 青檸




鯖魚柳用水沖洗乾淨 , 再抹乾水份 , 放入器皿內加少許鹽及胡椒粉拌勻魚的兩面 , 蓋上保鮮紙靜待1小時












醃好的鯖魚柳每面沾上薄薄的生粉 , 靜待10分鐘 , 鯖魚柳切件放入鑊中用慢火慢慢煎至兩面金黃色(先煎魚肉個邊 , 再反轉煎魚皮個邊) , 盛起分別灑上椒鹽 , 七味粉及黑芝麻 , 青檸切件拌碟即可


















材料
鯖魚柳3條 , 鹽 , 生粉 , 七味粉 , 椒鹽 , 胡椒粉 , 黑芝麻 , 青檸



做法
1. 鯖魚柳用水沖洗乾淨 , 再抹乾水份 

2. 放入器皿內加少許鹽及胡椒粉拌勻魚的兩面 

3. 蓋上保鮮紙靜待1小時

4. 醃好的鯖魚柳每面沾上薄薄的生粉 , 靜待10分鐘 

5. 鯖魚柳切件放入鑊中用慢火慢慢煎至兩面金黃色(先煎魚肉個邊 , 再反轉煎魚皮個邊) 

6. 盛起分別灑上椒鹽 , 七味粉及黑芝麻 , 青檸切件拌碟即可

 


煎到脆卜卜的鯖魚柳加入椒鹽及七味粉後 , 味道提升不少 , 絕對好好送飯呢 ^^






18 則留言:

  1. 袁太這個好吸引呀!我妹妹每次去食日本餐廳都叫這款魚食架.

    回覆刪除
    回覆
    1. 呢款魚簡單煎香已經好好味,而且冇咩骨,怕食魚的朋友應該會喜歡呢

      刪除
  2. 好吸引呀!
    肥人都好想試下~

    回覆刪除
  3. 煎魚簡單又快趣,讚

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......