2018年11月26日 星期一

蠔油魚蛋配咖哩辣醬




袁太突然醒起 , 以前細個去小食店買魚蛋 , 因袁太喜愛辣 , 但姐姐不食辣 , 每次都要老闆分開兩袋 , 一袋辣 , 一袋唔辣 , 亦曾經俾老闆話~放埋一袋喇 , 都係沾到少少辣姐~ , 哈 ... 又或者可能袁太實在太愛辣 , 所以在家自製魚蛋 , 一定整咖哩味 ......



不過最近亦有朋友仔問我 , 話佢老公喜愛食魚蛋 , 但又唔食辣 , 應該怎麼辦 ??? 所以今次就想同時滿足食辣同唔食辣的朋友仔 , 係街市買左一磅陳皮魚蛋 




回家出水抹乾水份 , 加蠔油炆成唔辣版的蠔油魚蛋 , 再去東南亞店買左包田師傅咖哩醬料包 , 再加工重新調個咖哩辣醬配蠔油魚蛋 , 咁就可以同時有辣有唔辣呢 , 唔食辣的朋友可以食蠔油魚蛋 , 食辣的朋友就可以沾上咖哩辣醬 , 好鬼惹味呢 ^^



材料 : 陳皮魚蛋 , 田師傅咖哩醬料包 , 沙茶醬 , 薑 , 蒜頭 , 蔥 , 乾蔥頭 , 海鮮醬 , 鹽 , 水 , 酒 , 美的早餐機(MZ-DSY18A)




薑去皮切絲 , 蒜頭去衣拍碎 , 乾蔥頭去衣切碎 , 蔥切段及幼絲 , 陳皮魚蛋放入早餐機的煲內 , 加少許鹽 , 蔥段 , 薑絲 , 酒及水 , 按<蒸 / 煮>功能 , 蓋上蓋時間調至10分鐘 , 盛起陳皮魚蛋放入煲內 , 用水沖一沖洗去油份 , 瀝乾及抹乾水份















燒紅鑊 , 爆香一半份量蒜頭 , 加入陳皮魚蛋用中火拌炒數分鐘 , 加入調味料拌勻 , 再加入2杯水份量拌勻 , 用中火煮滾後蓋上蓋轉慢火炆10分鐘
















10分鐘後將陳皮魚蛋連汁料轉放另一煲內 , 蓋上蓋焗1小時(如有時間 , 焗得越長時間越入味呢)









燒紅鑊 , 加入乾蔥粒及餘下一半份量蒜粒爆香 , 加入田師傅咖哩醬料及沙茶醬用慢火拌炒數分鐘至有香味 , 逐一加少許海鮮醬 , 酒及糖拌勻 , 最後加200ml水拌勻 , 用慢火慢慢拌炒水份收乾 , 成濃杰咖哩辣醬即可

















 
材料
陳皮魚蛋1磅 , 田師傅咖哩醬料1包 , 沙茶醬1.5湯匙 , 薑 , 蒜頭1個 , 蔥 , 乾蔥頭2粒 , 海鮮醬1湯匙 , 鹽 , 水 , 酒 , 美的早餐機(MZ-DSY18A)

調味料
蠔油 , 生抽 , 老抽 , 冰糖



做法
1. 薑去皮切絲 , 蒜頭去衣拍碎 , 乾蔥頭去衣切碎 , 蔥切段及幼絲

2. 陳皮魚蛋放入早餐機的煲內 , 加少許鹽 , 蔥段 , 薑絲 , 酒及水

3. 按<蒸 / 煮>功能 , 蓋上蓋時間調至10分鐘 

4. 盛起陳皮魚蛋放入煲內 , 用水沖一沖洗去油份

5. 瀝乾及抹乾水份

6. 燒紅鑊 , 爆香一半份量蒜頭 , 加入陳皮魚蛋用中火拌炒數分鐘 

7. 加入調味料拌勻 , 再加入2杯水份量拌勻 

8. 用中火煮滾後蓋上蓋轉慢火炆10分鐘

9. 10分鐘後將陳皮魚蛋連汁料轉放另一煲內 , 蓋上蓋焗1小時(如有時間 , 焗得越長時間越入味呢)

10. 燒紅鑊 , 加入乾蔥粒及餘下一半份量蒜粒爆香 

11. 加入田師傅咖哩醬料及沙茶醬用慢火拌炒數分鐘至有香味 

12. 逐一加少許海鮮醬 , 酒及糖拌勻 

13. 最後加200ml水拌勻 , 用慢火慢慢拌炒水份收乾 , 成濃杰咖哩辣醬即可 




無論唔辣的蠔油魚蛋 , 或者辣辣的咖哩辣醬魚蛋都好好味 , 不過我同袁生始終都係喜愛偏辣個邊呢 ^^








19 則留言:

  1. 我都係喜歡辣,但而家唔受得。

    回覆刪除
  2. 我以前食辣, 不過近年食完肚仔受吾到到😩

    回覆刪除
  3. 我都十分喜愛辣味

    回覆刪除
  4. 我唔太食得辣,我食蠔油魚蛋得啦

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......