2019年1月13日 星期日

[燒鴨骨湯底] 雪菜火鴨絲窩米




燒鴨呢樣食物我家袁生好鬼喜歡 , 喜愛的程度絕對可以話完全進入瘋狂狀態 , 無論燒鴨用來炒 , 用來煲粥或者炆米都無任歡迎 , 多多佢都食得落 , 之但係如果用來煮米粉的話 , 佢會比較喜愛窩米 ......



袁生喜愛窩米的原因好簡單 , 因湯底方面袁太會用燒鴨起肉剩下的鴨骨來煲 , 咁湯底的味道就會變得濃郁美味 , 另外用火鴨絲做窩米離不開用雪菜同煮 , 仲有袁生必定Order的銀芽 , 仲要多多銀芽個隻 , 記得以前係酒樓叫過一窩火鴨絲米 , 個碗窩米真係夠經典 , 米粉就多多 , 但湯底就淡過水 , 但都要成五十幾蚊一窩 , 會唔會有少許搵笨呢



說回窩米的做法 , 其實好簡單 , 首先煲好個鴨骨湯底 , 煲湯底期間就切好配料 , 炒好配料 , 再將米粉煮軟放入煲或碗內 , 淋上鴨骨湯 , 再放上配料 , 咁一碗熱辣辣 , 湯底濃郁美味又足料的窩米就食得 , 窩米內全部都係袁生喜愛的食物 , 佢喜愛到連湯都飲埋呢 ^^



材料 : 雪菜 , 燒鴨 , 銀芽 , 薑 , 蔥 , 八角 , 上湯 , 蒜頭 , 炒米粉 , 鹽 , 胡椒粉 , 美的早餐機(MZ-DSY18A)




雪菜用水沖洗乾淨 , 切去雪菜頭 , 蔥切段及切粒 , 薑去皮切絲 , 蒜頭去皮切粒 , 燒鴨去骨(留骨煲湯) , 煲內加少油爆香燒鴨骨 , 放入雪菜頭 , 薑絲 , 蔥段及八角 , 加入上湯及適量水拌勻 , 先用中火煲15分鐘 , 盛起面上泡泡去掉 , 拌一拌勻煲內材料 , 用中火再煲至滾 , 蓋上蓋轉慢火煲1小時



















銀芽放入早餐機的煲內 , 加少許鹽及水 , 蓋上蓋按<蒸 / 煮>功能 , 時間調至10分鐘 , 期間將雪菜放入煲內加水浸過面靜待30分鐘 , 銀芽出水後用水沖一沖洗及瀝乾 , 雪菜浸30分鐘後渣乾水份切粒 , 燒鴨肉撕成絲 , 鴨皮留用
















湯底煲1小時後加少許鹽及胡椒粉調味拌勻 , 轉用中火煲滾 , 熄火焗30分鐘 , 焗30分鐘後將煲內的鴨骨及其他湯料取出 , 成鴨骨湯底備用 









燒鴨皮放入鑊中爆香出油份 , 盛起去掉 , 原鑊加入蒜粒 , 雪菜粒及火鴨絲拌勻快炒數分鐘 , 加入銀芽 , 調味料及1碗水拌勻 , 用中火快手至汁料半收乾













將米粉放入煲內加水用慢火煮至軟身後盛起放入煲或碗內 , 淋上鴨骨湯 , 放上雪菜火鴨絲 , 最後灑上蔥粒即可









 



材料
雪菜2棵 , 燒鴨1/4隻 , 銀芽$5 , 薑 , 蔥 , 八角1粒 , 上湯300ml , 蒜頭1/2個 , 炒米粉1個 , 鹽 , 胡椒粉 , 美的早餐機(MZ-DSY18A)

調味料
蠔油 , 生抽 , 老抽 , 糖



做法
1. 雪菜用水沖洗乾淨

2. 切去雪菜頭 , 蔥切段及切粒 , 薑去皮切絲 , 蒜頭去皮切粒 

3. 燒鴨去骨(留骨煲湯) 

4. 煲內加少油爆香燒鴨骨 , 放入雪菜頭 , 薑絲 , 蔥段及八角 , 加入上湯及適量水拌勻 

5. 先用中火煲15分鐘 

6. 盛起面上泡泡去掉 , 拌一拌勻煲內材料 , 用中火再煲至滾

7. 蓋上蓋轉慢火煲1小時

8. 銀芽放入早餐機的煲內 , 加少許鹽及水 , 蓋上蓋按<蒸 / 煮>功能 , 時間調至10分鐘

9. 期間將雪菜放入煲內加水浸過面靜待30分鐘

10. 銀芽出水後用水沖一沖洗及瀝乾 

11. 雪菜浸30分鐘後渣乾水份切粒 , 燒鴨肉撕成絲 , 鴨皮留

12. 湯底煲1小時後加少許鹽及胡椒粉調味拌勻 , 轉用中火煲滾 , 熄火焗30分鐘 

13. 焗30分鐘後將煲內的鴨骨及其他湯料取出 , 成鴨骨湯底備用 

14. 燒鴨皮放入鑊中爆香出油份 , 盛起去掉 

15. 原鑊加入蒜粒 , 雪菜粒及火鴨絲拌勻快炒數分鐘 

16. 加入銀芽 , 調味料及1碗水拌勻 , 用中火快手至汁料半收乾

17. 將米粉放入煲內加水用慢火煮至軟身後盛起放入煲或碗內 

18. 淋上鴨骨湯 , 放上雪菜火鴨絲 , 最後灑上蔥粒即可 




濃郁的自家製鴨骨湯底配上清淡的米粉 , 再加上雪菜的鹹味 , 絕對一流呢 ^^







11 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......