[清熱解毒] 蛋花馬蹄綠豆爽

呢排的天氣感覺比較凍 , 涼涼地的天氣 , 自然邊爐打多左 , 補身的食物又食多左 , 所以久唔久都要食下清熱的食物為身體大掃除 ......



唔知係咪袁太爸爸係潮州人的關係 , 由細到大都經常食開邊綠豆糖水 , 最愛就係配清心丸同煮 , 不過一般街市好難買到清心丸 , 我呢邊幾個街市都唔見清心丸的蹤影 , 不過其實開邊綠豆都可以配搭其他材料煮糖水 , 以前都配過雪耳 , 西米煲 , 味道好好 , 不過今次就簡單配上馬蹄同蛋花煮成



馬蹄袁太會一半剁碎一半打碎 , 咁口感就完美 , 而且製作方法簡單快捷 , 所以~蛋花馬蹄綠豆爽~絕對係袁太的首選 , 熱辣辣食夠晒清熱潤喉呢 ^^



材料 : 馬蹄 , 開邊綠豆 , 雞蛋 , 冰糖 , 馬蹄粉 , 桂花糖 , 水 , 美的破壁機(BL1188)

閞邊綠豆用水沖一沖洗及瀝乾 , 放入碗內加水浸過面靜待1小時 , 期間浸30分鐘後將水倒去 , 開邊綠豆再用水沖洗多次 , 再放入碗內加水浸過面繼續浸

馬蹄用水沖一沖洗後去皮 , 去皮馬蹄用水沖洗乾淨 , 一半份量的去皮馬蹄放入美的破壁機內 , 蓋上蓋按點動功能將馬蹄打碎盛起 , 餘下份量的去皮馬蹄用刀剁碎

浸好1小時的開邊綠豆用水沖洗及瀝乾 , 放入煲內加水蓋過面 , 用中火拌勻煮滾 , 盛起面上泡泡去掉 , 蓋上蓋焗10分鐘後去水 , 將開邊綠豆瀝乾水份

再一次將開邊綠豆放入煲內 , 加入冰糖及約1100ml水拌勻 , 先用中火拌勻煮至滾 , 再蓋上蓋轉慢火煲20分鐘 , 期間小心滾瀉 , 馬蹄粉與100ml水拌勻備用 , 綠豆煮20分鐘後加入馬蹄粒 , 馬蹄蓉及馬蹄粉水拌勻 , 用慢火一路煮一路拌勻煮數分鐘 , 雞蛋打成蛋液 , 最後熄火倒入蛋液拌勻成蛋花即可

 

 

 

材料
馬蹄10粒 , 開邊綠豆 , 雞蛋2隻 , 冰糖 , 馬蹄粉 , 桂花糖 , 水1100ml , 美的破壁機(BL1188)



做法
1. 閞邊綠豆用水沖一沖洗及瀝乾 , 放入碗內加水浸過面靜待1小時 

2. 期間浸30分鐘後將水倒去 , 開邊綠豆再用水沖洗多次 , 再放入碗內加水浸過面繼續浸

3. 馬蹄用水沖一沖洗後去皮 , 去皮馬蹄用水沖洗乾淨 

4. 一半份量的去皮馬蹄放入美的破壁機內 

5. 蓋上蓋按點動功能將馬蹄打碎盛起 , 餘下份量的去皮馬蹄用刀剁碎

6. 浸好1小時的開邊綠豆用水沖洗及瀝乾 

7. 放入煲內加水蓋過面 , 用中火拌勻煮滾 , 盛起面上泡泡去掉 

8. 蓋上蓋焗10分鐘後去水 , 將開邊綠豆瀝乾水份

9. 再一次將開邊綠豆放入煲內 , 加入冰糖及約1100ml水拌勻 

10. 先用中火拌勻煮至滾 , 再蓋上蓋轉慢火煲20分鐘 

11. 期間小心滾瀉 

12. 馬蹄粉與100ml水拌勻備用

13. 綠豆煮20分鐘後加入馬蹄粒 , 馬蹄蓉及馬蹄粉水拌勻 

14. 用慢火一路煮一路拌勻煮數分鐘 

15. 雞蛋打成蛋液 , 最後熄火倒入蛋液拌勻成蛋花即可 




清熱解毒潤喉的馬蹄綠豆爽 , 無論咩天氣都啱食呢 ^^