香滑栗子露

某日睡覺前突然好想食栗子露 , 所以預早一日浸定白米 , 翌日就可以去街市買栗子回家製作栗子露呢款甜點 , 講開栗子露 , N年前袁太去某間中式糖水甜品食過 , 不過味道就 ... 唔太好 , 價錢貴之餘 , 完全冇栗子味 , 而且唔夠香濃 , 唔好味 ......



自從有左美的破壁機呢個好幫手 , 整呢款甜品絕對冇難度 , 一邊用破壁機打米漿 , 打栗子糊 , 一邊用美的早餐機煮栗子 , 真係好鬼方便



自家製的栗子露香滑可口 , 而且有香香濃濃的栗子味 , 袁生中式糖水方面只獨愛綠豆沙 , 其他糖水他一向只會俾面食一至兩碗仔 , 不過呢個栗子露佢不知幾喜歡 , 食左兩大碗之後仲問袁太仲有冇添 , 看來過幾日又要encore呢款甜品俾袁生再品嚐呢 ^^



材料 : 栗子 , 白米 , 水 , 冰糖 , 牛奶 , 隔篩 , 美的破壁機(BL1188) , 美的早餐機(MZ-DSY18A) 

白米用水沖一沖洗乾淨瀝乾水份 , 加1杯水份量浸過面靜待一晚 , 翌日將米連浸米水放入美的破壁機內蓋上蓋 , 調較至豆漿功能 , 再按中間的開關製 , 會有時間顯示需時35分鐘 , 破壁機最後10分鐘會開始加速

期間將栗子放入早餐機的煲仔內 , 加水浸過面蓋上蓋按<蒸 / 煮>功能 , 時間調至30分鐘待栗子煮軟 , 破壁機完成後會發出啤啤聲 , 將按製調去關 , 米漿就完成 , 栗子煮30分鐘後去殼 , 栗子肉切碎

栗子肉放入破壁機內(留少許栗子肉作最後之用) , 加入2杯水份量 , 蓋上蓋調較至豆漿功能 , 再按中間的開關製 , 會有時間顯示需時35分鐘 , 破壁機最後10分鐘會開始加速 , 完成後會發出啤啤聲 , 將按製調去關 , 栗子糊就完成

冰糖放入煲內加1.5杯水份量 , 用中火煮至冰糖溶 , 待涼10分鐘 , 將栗子糊 , 米漿倒入冰糖水內拌勻用慢火煮滾 , 最後加入栗子粒及牛奶拌勻用慢火煮數分鐘即可

材料
栗子1磅 , 白米1/2杯 , 水 , 冰糖120ml , 牛奶50ml , 隔篩 , 美的破壁機(BL1188) , 美的早餐機(MZ-DSY18A) 



做法
1. 白米用水沖一沖洗乾淨瀝乾水份 , 加1杯水份量浸過面靜待一晚

2. 翌日將米連浸米水放入美的破壁機內蓋上蓋

3. 調較至豆漿功能 , 再按中間的開關製 , 會有時間顯示需時35分鐘 

4. 破壁機最後10分鐘會開始加速

5. 期間將栗子放入早餐機的煲仔內

6. 加水浸過面蓋上蓋按<蒸 / 煮>功能 , 時間調至30分鐘待栗子煮軟 

7. 破壁機完成後會發出啤啤聲 , 將按製調去關 , 米漿就完成 

8. 栗子煮30分鐘後去殼 , 栗子肉切碎

9. 栗子肉放入破壁機內(留少許栗子肉作最後之用) , 加入2杯水份量 

10. 蓋上蓋調較至豆漿功能 , 再按中間的開關製 , 會有時間顯示需時35分鐘 

11. 破壁機最後10分鐘會開始加速

12. 完成後會發出啤啤聲 , 將按製調去關 , 栗子糊就完成

13. 冰糖放入煲內加1.5杯水份量 , 用中火煮至冰糖溶 , 待涼10分鐘 

14. 將栗子糊 , 米漿倒入冰糖水內拌勻用慢火煮滾 

15. 最後加入栗子粒及牛奶拌勻用慢火煮數分鐘即可




因為加左米漿的關係 , 口感變得杰身 , 而且栗子味相當重 , 好香好滑呢 ^^