[父親節食譜] 炸醬三絲拌醋香椒麻麵

過完母親節 , 自自然然就到父親節 , 每年父母親節 , 袁太會煮爹地媽咪喜愛的食物 , 袁太媽咪就簡單得多 , 基本上咩都食 , 最愛就食甜品 , 所以每年母親節都會整甜品俾媽咪 , 媽咪食完甜到入心 , 不過相比之下 , 袁太呀爹就比較有要求呢 ......



基本上袁太呀爹好多野都唔太食 , 例如唔愛吃杰粥 , 唔愛吃瘦豬肉 , 唔愛吃菜飯 , 亦唔愛吃酸甜食物等等 ... 雖然呀爹好多食物都唔愛吃 , 不過相反地當然有他愛吃的 , 例如炸物 , 涼麵 , 辣物 , 濃味 , 炒粉麵 , 拌麵 , 炆餸等等 ... 開心地之前收到品牌寄來的醬 , 麵產品 , 係台灣品牌~福忠字號~



有兩款麵及兩款醬 , 麵類有<眷村醬麵>的蒜香麻醬味 , 醋香椒麻味 , 醬方面有招牌炸醬 , 辣吻魚醬

今次就先開封招牌炸醬及福忠字號<眷村醬麵>的醋香椒麻味烹調食譜 , 麵條是刀削麵 , 而且內附調味包 , 招牌炸醬濃郁美味

<眷村醬麵>的麵條比較煙勒彈牙 , 唔會好似其他牌子的麵煮到一pat pat咁 , 係袁太好滿意的地方 , 雖然麵條煮好加入調味包拌勻後已有好香的椒麻香味 , 不過袁太喜愛攪攪新意思 , 用上三絲材料(木耳 , 冬菇 , 豆干) , 配上濃郁的招牌炸醬炒香 , 再放入充滿椒麻味的麵拌勻 , 鹹鹹濃濃辣辣的味道完全好夾 , 實在太美味 , 而且一個麵煮開份量都唔少架 , 絕對夠飽肚 , 袁太都有煮一個俾呀爹試下 , 袁太呀爹試食完都相當滿意 , 不停大讚美味 , 仲不停讚<眷村醬麵>的麵條好好味道 , 令佢一試就愛上呢 ^^



材料 : 鮮冬菇 , 木耳絲(預先用水浸至軟身) , 豆干 , 白芝麻 , 味琳 , 招牌炸醬 , 福忠字號<眷村醬麵>醋香椒麻麵

醋香椒麻麵放入煲內加水 , 先用中火煮滾 , 再轉慢火拌麵至散 , 煮約5分鐘瀝乾水份放上碟 , 加入內附調味包拌勻備用

鮮冬菇切片 , 豆干切片 , 冬菇及豆干放入鑊中 , 贊少許酒及味淋拌勻炒數分鐘至冬菇軟身 , 加入木耳絲及招牌炸醬拌勻炒香 , 最後加入之前拌好的醋香椒麻麵拌勻 , 盛起放上碟 , 灑上少許白芝麻即可

材料
鮮冬菇6隻 , 木耳絲(預先用水浸至軟身) , 豆干2塊 , 白芝麻 , 味琳1茶匙 , 招牌炸醬2湯匙 , 福忠字號<眷村醬麵>醋香椒麻麵1個



做法
1. 醋香椒麻麵放入煲內加水 , 先用中火煮滾 , 再轉慢火拌麵至散

2. 煮約5分鐘瀝乾水份放上碟 , 加入內附調味包拌勻備用

3. 鮮冬菇切片 , 豆干切片 

4. 冬菇及豆干放入鑊中 , 贊少許酒及味淋拌勻炒數分鐘至冬菇軟身

5. 加入木耳絲及招牌炸醬拌勻炒香

6. 最後加入之前拌好的醋香椒麻麵拌勻 , 盛起放上碟 , 灑上少許白芝麻即可 




香濃的椒麻香味 , 麵條的彈牙口感 , 配上鮮冬菇 , 木耳及豆干做成三絲材料 , 再配上濃郁的炸醬 , 色香味俱全的拌麵 , 真會令人愛上 , 想再encore呢 ^^