煙肉蝦卷炒椰菜

又係時候清一清雪櫃的食物喇!
今次雪櫃有椰菜,冰箱有煙肉,
突然想起好耐冇食過蝦卷,
咁就去街市買左幾條,
炒埋一兜就有一碟餸喇!
既簡單又方便,最就係清晒雪櫃d野,
真係唔知點解雪櫃成日都有好多清唔晒的食物係度!



~煙肉蝦卷炒椰菜~食譜

材料 : 椰菜-1個 / 煙肉-4條 / 蝦卷-3條

                      獻汁 : 生抽 , 生粉 , 糖 , 麻油 , 水 - 少許                      
 

 

1.椰菜洗淨切開,煙肉切片,蝦卷切片備用.
2.燒紅鑊,下椰菜炒香,加少許鹽,雞粉調味,待椰菜熟透後,撈起備用.
3.再燒紅鑊,下煙肉,蝦卷煎香,將椰菜回鑊兜勻,注入獻汁略煮一陣,待獻汁略為收乾,即可.