九肚魚粉絲湯

呢個湯其實我飲過好多次,
但以前全部都係媽咪煲的,
自己煲都係第一次,其實今次都係經過街市的時候見到有九肚魚賣,
先記得可以煲呢個湯飲下,
不過煲之前梗係要打電話問下袁生飲唔飲喇!
袁生話飲喎!
咁就即刻買材料番去煮喇!
由於驚煲出黎會淡,
所以就落左粒濃湯寶一齊煮,實好味喇掛...



~九肚魚粉絲湯~食譜

材料 : 九肚魚-1斤 / 粉絲-半扎 / 豬肉碎-$8 / 鮮雞濃湯寶-1粒 / 芫茜(切碎)-適量
                      醃料(豬肉碎) : 生抽 , 酒 , 胡椒粉 , 麻油 - 少許
                      醃料(九肚魚) : 魚露 , 胡椒粉 , 酒  - 少許


 做法:
 1.九肚魚洗淨切段,加入醃料醃約30分鐘,豬肉碎加入醃料醃好,粉絲用水浸軟備用.


 2.煲內放入適量的水,待滾後,加入鮮雞濃湯寶.

 3.加入豬肉碎,用大火滾20分鐘,再加入九肚魚,粉絲滾多15分鐘.
 4.加少許鹽調味,最後加入芫茜碎,即可.