薑蔥蒸大眼雞

細細個媽咪成日整的餸,
但時間一日一日咁過,
原來我真係好耐冇食過大眼雞喇!
今日去街市見到大眼雞好大條,
就諗住買兩條番去今晚做餸,
不過真係買餸唔知買餸貴,
以前我以為大眼雞係一種唔貴的魚類,
但點知買兩條都要成$39,
嘩...唔係掛,駛唔駛咁貴呀?
不過冇辦法喇!同袁生講左今晚會整大眼雞,
冇理由令佢失望架!
一條又驚唔夠食,為有照買兩條喇!



~薑蔥蒸大眼雞~食譜

材料 : 大眼雞-2條 / 薑片 , 蔥段- 適量

 

 

1.碟上放少許蔥段,備用.

2.大眼雞洗淨,抹乾水,灑上少許鹽,胡椒粉辟腥,放上碟的蔥段上面.

3.將大眼雞放上碟後再放少許薑片同蔥段.
  
4.燒滾水,用大火隔水蒸約15分鐘.
5.待魚蒸好後,倒去多餘的水,淋上蒸魚豉油,再將熱油淋上魚面,即可.