滷水牛展,雞全翼,雞蛋拼盤

次次食滷水都係番屋企食,
自己都未整過,
不過覺得自己的滷水汁梗係調得唔夠媽咪的好食,
所以就打電話俾媽咪問,
可唔可以幫我整滷水汁呀!
我過黎攞!
但攞左滷水汁番黎用咩整好呢
我知袁生鐘意食牛展,
就整牛展喇!
再加埋雞全翼,雞蛋一齊滷,
不過今次滷水汁好似甜左少少,
但都好好味!









~滷水牛展,雞翼,雞蛋拼盤~食譜

材料 : 牛展-1條 / 雞全翼-3隻 / 雞蛋-2隻 / 薑絲 , 蔥後 - 適量

                      滷水汁調味(媽咪提供) : 豉油雞汁-1豌 / 水-2碗 / 冰糖-適量
 

 

1.雞全翼斬開3份(雞膇,雞翼,雞尖)後,同牛展一齊用薑,蔥,紹酒出水,備用.
 
2.雞蛋凍水放入煲內煮滾,約10分鐘,撈起去殼後備用.
 
3.將滷水汁調味料煮滾後,先滷雞膇,雞翼,雞尖約20分鐘後撈起上碟.
4.再滷牛展45分鐘,雞蛋滷5分鐘.
5.待涼後,牛展切片,雞蛋切半上碟,即可.