豉椒炒蜆

今日黎個豉椒炒蜆做晚餐

平時袁生至愛食海鮮

所以決定整個海鮮餐食下

講到海鮮的首選,就一定係豉椒炒蜆喇

不過屋企附近的街市好衰架

唔係成日都有花甲賣

要去砰砰運氣

不過好彩去到街市見到有得賣

雖然冇大大隻的花甲,不過唔緊要喇

細細隻的都可以炒既姐

就買一斤喇

不過其實講到豉椒炒蜆

以前都會係出街食,自己整的話今次都係第一次

雖然自己係屋企炒一定冇出面街的咁有鑊氣

但味道都好好架

起碼袁生食過都話鍾意

最緊要煮出黎冇人投訴就得喇

大家話係咪???

~豉椒炒蜆~

材料:

花甲-1斤/蒜頭,豆豉,辣椒-適量

做法:
<1>
花甲洗淨後浸鹽水約3小時待吐沙,蒜頭,豆豉剁成蓉,辣椒切粒備用.
<2>
煲滾水後將花甲烚至開口盛起.

<3>

燒紅鑊,爆香蒜蓉,豆豉同辣椒粒,加入花甲快炒兜勻.

<4>

鑊邊贊少許酒後再兜勻炒片刻,上碟後灑少許蔥絲即可.