蘆筍炒肉片

平時唔多鍾意蘆筍的我改觀了...

蘆筍呢樣材料我一向都好少煮
因為我覺得煮極的味道都好極青草味
唔只係我,
原來連袁生都覺得蘆筍有青草味
所以蘆筍永遠都唔會俾袁太選中做晚餐
但有時都會有例外的時候
當某一日下午
袁太又去到街市睇下有咩菜買
賣菜姐姐介紹袁太話今日蘆筍好靚
炒肉片好好食架
初時都有d猶疑諗緊買唔買好
因為始終一向唔太鍾意食
但真係諗唔到食咩菜
又唔想成日食菜心,生菜喎

一於買一扎番去試下炒喇

一扎$25,唔算貴
一扎都幾多架,煮唔晒仲可以放係雪櫃3-4日添
最估唔到呢隻蘆筍真係幾好食喎
袁生都話唔錯
不過最衰係街市唔係成日都可以見到有得賣!

~蘆筍炒肉片~


材料:

蘆筍-1扎(用左大半扎)/梅頭瘦肉-$10/薑-3片

醃料:
生粉,糖,生抽,麻油,胡椒粉,水-少許

做法:
<1>
蘆筍洗淨斜切備用,瘦肉加入醃料醃30分鐘.

<2>
燒紅鑊,爆香薑片後,加入蘆筍,少許雞粉,鹽,水調味兜勻,待蘆筍熟透後盛起.

<3>
將肉片落鑊炒熟,蘆筍回鑊一同兜勻即可.