今晚有帶子食...
鍾意食海鮮所以平時都會去街市睇下有冇鮮帶子賣
不過屋企附近的街市唔係
成日都有得賣好好彩
今次居然見到有$36/斤,都唔太貴姐
不過兩個人食都唔駛買一斤咁多
就買左$25,都有11,12隻,都夠食
喇帶子平時除左打邊爐
外梗係用蒸的方法去煮喇
離不開用蒜蓉,粉絲,簡簡單單就已經好好味
袁生
都不知食左幾多!
~蒜蓉粉絲蒸帶子~材料:
鮮帶子-$25(約11,12隻)/粉絲-半扎/
蒜頭,蔥-適量
做法:
<1>
鮮帶子洗淨備用,蒜頭剁成蓉
,蔥切粒
.<2>
粉絲浸水至軟身,瀝乾備用.
<3>
帶子平放在碟上,將粉絲鋪在帶子面再灑上適量蒜蓉.
<4>
用大火隔水蒸約5-8分鐘至熟透,淋上少許熟油及生抽,再灑上少許蔥花即可
.
海鮮檔俾你影相既?
回覆刪除點解你煮親既都咁岩我食架.....我好愛呢個架~~~~
25元有11隻, 一d都唔貴, 仲可以牛油焗~~
[版主回覆04/16/2012 10:37:15]冇...嘻嘻
[寧靜中的不寧靜回覆04/16/2012 07:53:04]你屋企有鐵板????
[版主回覆04/15/2012 13:10:17]攪到我都好想試下...
[寧靜中的不寧靜回覆04/15/2012 07:55:15]我諗加都唔錯, 因為會乳化左, 個醬會好味d~
[版主回覆04/14/2012 18:27:00]但如果俾我,我會加檸檬汁架,酸酸地啱我!
[寧靜中的不寧靜回覆04/14/2012 08:05:58]有次食日本野食到, 味千好似有~真係好好味, 不過幾貴~~佢俾檸檬你, 可以榨汁, 應該仲好味d.....不過我冇加.....唔愛酸果種感覺....
[版主回覆04/13/2012 17:08:52]用牛油鐵板煎我未試過喎,係咪好好味架???我都想試下!
[寧靜中的不寧靜回覆04/13/2012 08:42:15]可能海鮮檔老闆以為你講緊電話~
係呀~牛油鐵板上~ 香煎....一律都係我既至愛~~~~~ 乾左既帶子, 乾瑤柱我一樣都愛~~~~~~
你一定係袁生同我既身入面既一條蟲.....咁清楚我地鍾意食咩......哈哈
[版主回覆04/12/2012 15:47:44]用手機影,人地都唔知喇,原來你都鍾意食架,唔通我係你身體入面的一條蟲???
我同老公都鍾意食呢個ga....間唔中我都會自己整~~~蒜蓉粉絲正!!
回覆刪除[版主回覆04/12/2012 15:38:30]蒸帶子最住配搭一定係蒜蓉+粉絲,仲有我至愛的蔥粒,真係又正又好味!
出面橙色位都要???蝦子餅話好污糟架...所以我地只係要中間白色...
回覆刪除[MR.MOON回覆04/13/2012 20:17:44]煮熟D就冇問題既...係怕疴嘔啫...
[版主回覆04/12/2012 15:58:53]海鮮檔個姐姐係咁講架,所以我而家都會整埋黎食!
[MR.MOON回覆04/12/2012 15:45:42]側邊個D係食得架...不過...海水污染嚴重...所以內臟位較易污染...
[版主回覆04/12/2012 15:36:43]街市寫住係鮮帶子,不過其實我覺得扇貝同帶子都係差唔多姐,我以前都以為側邊個d係唔要架,咁去街市買的時候,叫人地幫我開埋殼,可唔可以幫我整走埋側邊個d,點知個人話個d食得個喎,所以咪整埋囉!
[MR.MOON回覆04/12/2012 12:05:42]這個唔係扇貝咩???帶子唔係三角形黑綠色長身個隻咩...