袁生第一時間就問，出面大把地方有得賣，唔駛自己煲咁麻煩，唉...我知出面有得賣，但自己煲都係十幾蚊，份量仲好多添，你想飲幾多都得 !
煲左約1小時，驚袁生話苦，所以落多幾粒冰糖，味道啱啱好，袁生一口氣飲兩杯，其餘放係雪櫃雪凍俾佢自己攞黎飲，唔知飲左幾杯五花茶，袁生降唔降到火呢 ???
五花茶
材料 : 五花茶(木棉花，金銀花，杭菊花，雞蛋花，綿茵陳)<1包>，冰糖<適量>
做法 :
1. 將材料洗淨後瀝乾水份
2. 燒滾水，放入五花茶包材料，用中火滾45分鐘
3. 加入適量冰糖調味，放涼後放入雪櫃雪凍即可
好過飲汽水呀~
回覆刪除[版主回覆07/27/2012 14:51:34]d五花茶已經俾袁生飲晒喇,下次再整就試下整甜d!
[寧靜中的不寧靜回覆07/27/2012 06:53:23]落多DD咁多多啦~~~ 少少苦苦地先叫涼茶呢............冰糖應該甜極有個譜....瓜?
[版主回覆07/26/2012 10:57:45]但我又驚甜得滯,始終五花茶都係苦苦地,我係咪好矛盾呢!
[寧靜中的不寧靜回覆07/26/2012 07:30:58]落多少少冰糖會唔會好Ｄ？
[版主回覆07/25/2012 11:03:19]但我覺得有d苦,所以我飲左一杯之後,其餘個d俾晒袁生飲!
你好呀，剛巧路經。
回覆刪除其實飲花茶都好有用架！
另外食煙既話，要燉下川貝清清d毒啖。
有空，請到我我blog內參觀下！
謝謝