次次買桂花魚番黎都係清蒸多,所以今次就拜託魚檔呀姐,幫我將條桂花魚起骨,啖啖肉,咁就唔驚有骨喇,但起左肉後d魚骨千其唔好掉,魚骨可以用黎煮個魚湯架,煮好魚湯之後,
另外再加埋勝瓜一齊煮,有魚,有菜,又有魚湯飲下,真係好好味

袁生都不知幾鐘意個魚湯,而桂花魚肉當然一樣咁鐘意,不過袁生就唔係太好勝瓜喎,咁如果下次再整的話,用咩菜黎整好呢 ???
魚湯浸桂花魚肉勝瓜
材料 : 桂花魚<1條>,勝瓜<1條>,薑<3片>
做法 :
1. 桂花魚起肉(可叫魚檔呀姐幫忙起肉)
2. 桂花魚肉加入少許鹽,生粉拌勻醃30分鐘備用
3. 燒紅鑊,爆香薑片後,加入桂花魚頭及骨煎至兩面金黃色後,加入適量熱水(湯會變成奶白色)


4. 用慢火煮約45分鐘,隔去魚骨,留起魚湯備用

5. 燒紅鑊,將桂花魚肉爆香,盛起,勝瓜去皮後切件備用
6. 鑊中加入魚湯煮滾,加入勝瓜用慢火煮30分鐘至軟身,再加入桂花魚肉煮片刻,連同魚湯,勝瓜一齊上碟即可

小棠菜??? 都唔錯架......雖然我唔太好小棠菜~哈
回覆刪除[版主回覆08/28/2012 22:46:50]咁我下次都係用小棠菜好d...
[寧靜中的不寧靜回覆08/28/2012 07:11:14]我未試過呀, 不過覺得小棠菜夾少少~
[版主回覆08/27/2012 20:04:28]白菜仔我都ok,但又好似同桂花魚唔係好夾!
[寧靜中的不寧靜回覆08/27/2012 06:41:54]小棠菜有種好獨特既味......係我接受唔到......如果用白菜仔我又可以喎~
[版主回覆08/26/2012 16:31:59]小棠菜都ok喎,袁生鐘意小棠菜,但我同妳一樣都唔太好!
真係好, 阿姐肯起肉, 唔知超市的肯唔肯
回覆刪除[版主回覆08/26/2012 16:33:02]超市真係唔知喎,我平時買魚一定去街市,不過我諗應該都會幫忙起肉掛,如果唔肯咪唔買囉,哈...
回覆刪除[版主回覆08/27/2012 20:04:51]very good~yeah~yeah~
嘩!! 就咁睇張相, 都知道個魚湯一定好鮮甜!!
回覆刪除[版主回覆08/27/2012 20:05:13]係呀,自己用魚煲魚湯特別好味!
好想食......我老公唔食魚架.....
回覆刪除[版主回覆09/06/2012 20:52:54]好鬼死羡慕!
[大肥人回覆09/06/2012 16:04:29]YES AR...好正架....
由於我娘家係近海ge 地方,我由細到大都係食海魚架~
有機會入去食下飯ar~
[版主回覆09/06/2012 16:01:55]即釣即煮咪好新鮮,我都想試下!
[大肥人回覆09/06/2012 15:52:17]好的,我會努力!
媽用咩"滑"仔la,石狗公等等,爸爸即釣即煮~
[版主回覆09/04/2012 15:06:14]咁下次要將條魚煎到兩面金黃先好加水,水的份量真係要控制得好,唔好咁灰心喇,下次再試過囉,咁妳媽咪係用咩魚煲架???
[大肥人回覆09/03/2012 23:48:39]
我襯我老公今晚唔返黎食...就整呢個湯la...點知煎得唔夠d 魚....無咁香....又落得多水得滯...唔夠濃.....嗚嗚...
but我煮煮下時先發現....原來我媽都有整呢d湯...but佢係用海魚...haha
[版主回覆08/29/2012 17:28:55]有d人係咁架,細個時候唔食魚,到左年紀大時候就好鐘意食魚,不過妳老公都好可愛喎(d藉口)
[大肥人回覆08/29/2012 13:02:01]一來la...二來唔知why佢細個食魚,大左唔食.....
佢話就係細個食太多wo.....爛藉口!
[版主回覆08/27/2012 20:05:27]點解呀???怕腥???