2013年5月26日 星期日

滑滑雞 <附切雞瀨食譜>

平時如果有時候食下午茶,我一定會去大型連鎖快餐店食碗切雞或油雞瀨粉,但越食就覺得越唔抵,價錢不斷加價之餘,仲要份量少到咩咁,瀨粉就多,但雞的份量簡直少到想喊,一係就俾雞翼,一係就隻雞一D肉都冇,得雞皮吊住D骨,食完個次之後真係唔想再幫襯呢D所謂的下午茶,所以就決定自己係屋企整


自己整的話除左隻雞一定啖啖肉外,仲可以去埋骨,用雞骨去煲個湯底,用黎煮瀨粉,一定會好好味,何況自己整白切雞其實一D都唔難,雞肉仲好嫩滑添,再加上我至愛的薑蓉"正"





滑滑雞
材料(白切雞) : 新鮮雞<半隻>
調味料 : 麻油,胡椒粉,油<少許>


做法 :
1. 新鮮雞洗淨,燒滾水後將雞放入浸約5分鐘盛起

2. 將雞放入另一煲內,加入水蓋過雞,待水煮滾後轉慢火煮25-30分鐘

3. 盛起放入冰水浸至雞完全涼後,瀝乾水份塗上調味料

4. 雞脾,雞翼留起,雞胸去骨後切件即可



材料(雞湯瀨粉) : 瀨粉<半斤>,白切雞雞骨<半隻>,薑<幾片>,金華火腿,蔥粒<適量>


做法 :
1. 瀨粉放入水中煮約5分鐘,盛起隔去水份備用

2. 煲內放入適量水,放入所有材料(除瀨粉,蔥粒外)用大火煮滾,轉慢火煲1小時成雞湯

3. 將瀨粉放入雞湯內煮至熟透,瀨粉連湯放入碗中,灑上少許蔥粒即可



4 則留言:

  1. 寧靜中的不寧靜2013年5月26日 上午6:50

    雞脾啖啖肉........
    有時我都會去快餐店食燒味飯...D肉少到...骨包皮...冇肉....火都黎埋....
    [版主回覆05/27/2013 20:48:20]我而家都唔太清楚,可能要$30-35掛(lunch價錢)
    [寧靜中的不寧靜回覆05/27/2013 06:54:44]燒味瀨一般0係快餐店要幾錢架?
    [版主回覆05/26/2013 21:30:39]所以我而家已經唔會再幫襯!

    回覆刪除
  2. 你好有心机和心思,自己整真材实料,老公一定鍚哂你!
    [版主回覆05/27/2013 20:53:08]我老公唔會刻意表露自己的表情,好難想像佢係開心定唔開心!

    回覆刪除
  3. WOOOOO!
    呢個超得呀!配埋CHA SIU PERFECT!!
    [版主回覆05/29/2013 10:51:05]係喎,點解我唔整埋叉燒呢!

    回覆刪除

  4. [版主回覆05/29/2013 10:50:47]

    回覆刪除