2013年12月13日 星期五

層層疊 <附豆角白飯魚煎蛋食譜>























白飯魚已經好多年冇食過了,今日係公司無無聊聊冇野做(因為老闆唔係公司),所以好自由地俾袁太發下夢,不過發夢多數都係想想究竟晚餐煮什麼好平時因為放工比較夜,所以多數會煮比較簡單的餸菜,今日晚餐就係一個好例子

突然腦海想起白飯魚,白飯魚一般都係煎蛋或炸,咁就用來煎蛋吧,不過都要去街市碰碰運氣,居然仲有一檔有得賣,仲要十蚊五兩,唔係呀話,咁抵既,唔買真係對唔住自己,由於袁生唔喜愛蔥粒,所以用豆角代替,加加埋埋二十大洋都唔駛~勁呀~


十蚊五兩的白飯魚,份量都幾多喎

袁生唔喜愛蔥粒,轉用豆角都一樣

袁太用左五隻雞蛋,但有六個蛋黃的出現


材料 : 白飯魚五兩,豆角,雞蛋5隻


做法 :
1. 白飯魚浸水15分鐘後用廚房紙印乾水份,加入少許鹽,胡椒粉拌勻醃15分鐘

2. 燒滾水,加入少許雞粉煮滾,放入己切粒的豆角煮5分鐘去除草青味,盛起備用

3. 雞蛋打勻,加入生抽調味 

4. 燒紅鑊,將白飯魚炒至半熟,隔水盛起放入蛋液內,再加入豆角粒拌勻

5. 燒紅鑊,將1湯匙份量的材料放入鑊中煎至兩面金黃色即可




真係好耐都冇煮過二十大洋材料都唔需要的餸菜了,如果餐廳有呢樣小菜的話,會賣幾錢一碟呢 ???

  

4 則留言:

  1. 我諗佢地都唔會賣得平去邊....

    回覆刪除
  2. 其實le隻唔係正式的白飯魚....正式的魚身細好多同埋唔透明......通常過完農曆年至係season.....but....anyway.......聊勝於無啦.....嘻嘻!

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......