椒鹽三文魚骨腩

最近大家的老公或男朋友仔會唔會因為掛住睇世界盃

已冷落了自己呢 ???

我家袁生每場都會睇 , 有時仲睇到天光添



每當袁生要睇波的時候 , 必然會問我有冇小食

起初買下薯片 , 蝦條都可以

但呢幾日又話想食下炸物做小食送啤酒汽水喎



好彩昨日係吉吉島見到大大包的三文魚骨腩

本應想用來過幾日做晚餐 , 唉 ... 唯有轉做小食滿足袁生呢個麻煩友

簡簡單單放油鑊炸 , 再用椒鹽炒下佢 , 熱辣辣又真係幾香喎

用炸的方法可以連骨都食埋 , 脆卜卜呢




材料
三文魚骨腩

椒鹽材料
椒鹽 , 鹽 , 糖 , 紅椒粒 , 蔥粒 , 炸蒜 (拌勻備用)



做法
1. 三文魚骨腩洗淨切件 , 加入鹽及胡椒粉拌勻醃30分鐘

2. 將三文魚骨腩沾上薄薄一層生粉 , 放入油鑊中用中火炸至微黃色後盛起

3. 再放入油鑊中用慢火慢慢炸至金黃色熟透 , 盛起放在廚房紙上吸取過多油份

4. 燒紅鑊 , 爆香椒鹽材料 , 加入炸好的三文魚骨腩快手拌勻即可

   

本來整俾袁生的小食 , 由於太香的關係 , 袁太都食左好多件呢 ^^