經過魚檔見九肚魚剛剛新鮮運到
條條都大大條 , 同其他太太們迫下迫下好辛苦之下
買了四條咁多多
大大條肥嘟嘟的九肚魚最啱當然用來炸 ......
炸九肚魚一向係袁生至愛 , 應該話佢係愛吃九肚魚至真
不過只係喜愛用椒鹽同配火鍋食法
講開椒鹽 , 我最愛炸蒜的味道 , 以往會自己用蒜茸炸
不過街市大大包只係幾蚊雞 , 無唯自己再開鑊炸呢
炸好的九肚魚外面脆卜卜 , 內裡魚肉滑滑
而且炸到連骨都可以食埋 , 唔駃吐骨 , 好香口呢 ^^
材料 : 四條大大條九肚魚
椒鹽材料全部拌勻備用 (材料有炸蒜 , 紅椒絲 , 蔥粒 , 鹽 , 糖 , 椒鹽)
食物袋中加入生粉及椒鹽拌勻 , 將每條九肚魚放入拌勻薄上粉 , 放上碟靜置10分鐘
燒紅油鑊 , 放一條九肚魚試試油溫 , 感覺油溫OK就可放入其他九肚魚 , 用中火炸1分鐘後用筷子輕輕將每條九肚魚分開 , 再轉慢火慢慢炸至金黃色後盛起
將椒鹽材料放入鑊中(唔需要落油) , 爆香後加入九肚魚拌勻 , 再灑上少許椒鹽即可
材料九肚魚
醃料(九肚魚)鹽 , 糖 , 酒
椒鹽材料椒鹽 , 炸蒜 , 蔥粒 , 紅椒絲 , 鹽 , 糖
做法1. 九肚魚洗淨切段抹乾水份後加入醃料拌勻醃至入味(約1-2小時)
2. 將椒鹽材料全部拌勻備用
3. 食物袋中加入生粉及椒鹽拌勻 , 將九肚魚放入拌勻薄上粉 , 放上碟靜置10分鐘
4. 燒紅油鑊 , 先將一條九肚魚放入試試油溫 , 感覺油溫OK就可放入其他九肚魚
5. 用中火炸1分鐘後 , 用筷子輕輕將每條九肚魚分開
6. 轉用慢火慢慢炸至金黃色後盛起
7. 將椒鹽材料放入鑊中爆香(不需要落油) , 爆香後將九肚魚放入一同拌勻
8. 再灑上少許椒鹽即可
簡單又香口的椒鹽九肚魚 , 送酒一流呢 ^^
好香口喔！
回覆刪除又香口又脆脆呢 ^^
刪除九肚魚好新鮮啊, 伴酒一流. ^^
回覆刪除啱啱運到全部大大條 , 送酒送飯都得 ^^
刪除好岩送酒呀~ 一路睇波一路食都唔錯~~~~
回覆刪除最好係可以連骨都食埋~~~~~~ 我最怕吐骨...
同袁生一樣唔喜愛吐骨
刪除哈哈...仲有蝦殼....我一樣都會食埋.....
刪除炸物咁香口~4條唔夠我食喎!~
回覆刪除又香口又脆卜卜呢 , 我同好多太太們迫迫下先買到4條咋
刪除咁香口，加杯啤酒更吸引，哈哈!
回覆刪除送酒真係一流 , 不過袁生而家唔飲酒呢
刪除做妳老公真幸福！
回覆刪除我都覺得係 , 不過佢本人唔覺得 ~哈~
刪除不得了、不得了，又係小高最最最愛，非常香口惹味的椒鹽九肚魚，出親大排擋就算得兩個人都會叫，皆因實在太鐘意，但又唔間間整得好食。你令小高睇到好肚餓...係真架...個肚真係打哂鼓！><
回覆刪除我自己在家就好少炸嘢，所以我諗如果有日真係開爐炸o野，一不做，二不休，一次過炸多幾樣！XD (最多令返多d清熱酷 haha...)
街的真係唔係間間都整得好 , 如果下次小高會開鑊炸食物的話 , 記得同袁太加雙筷 , 我來作客呢 ^^
刪除