2015年1月5日 星期一

[媽媽教室之湯水篇] 涼瓜黃豆粉腸湯




媽咪前幾日突然問我袁生飲唔飲涼瓜湯 ???

食唔食粉腸 ???

袁生飲 , 袁生食 , 原來媽咪想煲涼瓜湯俾我地飲 ......



講開涼瓜湯其實我一D都唔抗拒

不過我嫌洗粉腸太麻煩 , 總感覺麻煩過洗豬肚

之但係全程都係媽咪買材料 , 媽咪洗 , 媽咪煲

袁太只係負責在旁影低過程 , 完成品

咁就有一碗份量十足又美味的湯水飲 



起初以為涼瓜係用排骨煲

不過媽咪係用 "pan骨" 來煲 , 上網search過 "pan骨" 其實係肋骨

煲出來肉質好軟 , 好好味架

真係唔睇媽咪煲湯都唔知

原來仲有好多煲湯技巧袁太係唔知既呢

得閒真係要跟媽咪學多多烹飪技巧先得 ^^



材料 : 雷公鑿 , 粉腸 , pan骨 (肋骨) , 鹹菜 , 蒜頭 , 黃豆




首先洗粉腸 (圖片可能引起不安 , 請見諒 ^^)
將蒜頭原粒拍一拍 , 放入粉腸內清洗一次 , 再用鹽拌勻醃幾分鐘 , 再清洗乾淨就可







"pan骨"洗淨 , 鹹菜洗淨後隨意撕開細片 , 燒滾水 , 將 "pan骨" 出水盛起洗淨 , 再將粉腸放入出水後洗淨 , 涼瓜去囊切大件備用







 





煲內放入適量水 , 放入黃豆煲滾後加入 "pan骨" , 鹹菜 , 粉腸用大火煲滾後轉中火煲1小時













材料
雷公鑿2個 , 粉腸 , pan骨 (肋骨) , 鹹菜1個 , 蒜頭 , 黃豆



做法
1. 首先洗粉腸 , 將蒜頭原粒拍一拍 , 放入粉腸內清洗一次

2. 再用鹽拌勻醃幾分鐘 , 再清洗乾淨就可

3. "pan骨"洗淨 , 鹹菜洗淨後隨意撕開細片 , 燒滾水 , 將 "pan骨" 出水盛起洗淨

4. 再將粉腸放入出水後洗淨 , 涼瓜去囊切大件備用

5. 煲內放入適量水 , 放入黃豆煲滾後

6. 加入 "pan骨" , 鹹菜 , 粉腸用大火煲滾後轉中火煲1小時 

7. 期間燒紅鑊 , 爆香蒜蓉至有香味 , 加入涼瓜炒片刻盛起 

8. 待湯煲了1小時後加入涼瓜繼續用中火煲1小時 , 盛起粉腸切開 , 放回鑊再煲滾 

9. 最後加少許鹽 , 胡椒粉調味即可 




粉腸湯雖然好好味 , 但都係久唔久煲一次好呢 ^^




8 則留言:

  1. 食粉腸花功夫~~你哋好好心機呢~!

    回覆刪除
  2. 我老爸老媽煲湯有時都會落豬腸,小高好鐘意架!不過多數搭綠豆、蓮藕,苦瓜就搭咸酸菜,反而呢個組合未試過,等我有機會又試下先!^^

    回覆刪除
  3. 袁太,見到呢個湯,cici要走先。因我唔食涼瓜同粉腸。

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......