袁太又一個星期多沒有來Blogspot
之前還承諾大家會準時upload食譜 , 不過最近實在沒有心情
唔好話upload食譜 , 就連煮飯都唔想煮
因為我同袁生的寶貝離開了我們 , 終年13歲4個月零6日 ......
回想豬豬走前兩日已經唔食野 , 只飲水 , 又肚痾 , 又冇晒力
我同袁生都估到豬豬去彩虹橋的日子應該不遠
但萬萬估不到
1月27日早上袁太九點幾起床 , 發現豬豬已在睡夢中沒有心跳
當時只懂快快叫醒袁生 , 兩個只懂放聲大哭
個刻雖然傷心 , 完全進入崩潰狀態
但又慶幸豬豬在睡夢沒有痛苦 , 安詳離去
係豬豬最大的福氣
又或者豬豬唔想我同袁生見住佢停止呼吸
所以豬豬最後都好乖好孝順 , 選擇在我們睡覺的時候自己靜靜地走
其實都知道豬豬係冇心跳 , 但都仍然打去醫生book時間等醫生確認
個刻突然覺得時間好慢長 , 感覺豬豬身體逐漸冰冷
眼淚又不自覺地流
回想豬豬由三個月大已買回家一起生活
當時袁生袁太還是拖友呢
所以三口子一起生活已有十幾年 , 彼此建立深厚感情
到下午時份去了醫院 , 經醫生診斷 , 豬豬已沒有心跳
靜俏俏離開了
在醫院辦妥善終服務後傷心地回家 , 回家後看見豬豬日常用品 , 床仔 , 玩具
又不自覺地流淚
翌日袁太看見豬豬冰冷的床仔又再度崩潰
經常回想發現豬豬沒有心跳的模樣
不過我知豬豬一定唔想見到我們傷心
我知我們越傷心 , 豬豬就越唔捨得
1月30日下午時份 , 豬豬已火化 , 骨灰已接回家了
心情開始漸漸平復 , 希望豬豬在彩虹橋繼續開開心心生活
不需要掛住爸爸媽媽
盡情奔跑吧
比妳又勾起我的眼淚啦....唔好再傷心(雖然我只識叫人唔好傷心)....我两隻宝貝分別離開咗＋年同四年都重係令我流眼淚....我唔知妳有冇宗教信仰....我的两個宝貝真的返來(头四＋九天)...唔到妳唔信嫁!
回覆刪除我同袁生都無宗教信仰 , 不過相信一定會回家 , 靚婆婆的意思係兩個寶貝去世後四十九天才回家 , 還是四十九天都有回家 , 其實豬豬昨晚頭七 , 我同袁生都有感覺豬豬有回家探望我們 , 但唔知係自己日有所思還是真的有回家
刪除係头头的四十九日內...因為我放個念佛机在枱上...放上佢地喜歡的食物在碟上....但無原無固d食物走出碟外.....難巳解釋囉！留意吓啦
刪除我會留意下呢
刪除你地保重呀！豬豬一路好走
回覆刪除多謝EE關心 , 心情已平復好多了 , 豬豬一定會在彩虹橋繼續開開心心生活呢 ^^
刪除Rip~豬豬快樂哋去做小天使守護爸媽吧
回覆刪除我相信豬豬一定會在彩虹橋開開心心繼續生活 ^^
刪除無限懷念，有限悲傷，袁生袁太要保重！
回覆刪除心情已漸漸平復了 , 多謝關心 ^^
刪除唔好太傷心~
回覆刪除rip
心情已平復好多 , 我們會將豬豬咁多年來陪伴我們生活的種種事情化成回憶 , 希望豬豬係彩虹橋開開心心繼續奔跑
刪除Elaine, 聽過這個消息也感到非常難過，R.I.P
回覆刪除我知道在這個時候你們心情難以平伏，但希望你們要振作，不要太傷心！
牠只是去了一個沒痛苦的地方，開開心心繼續生活。
多謝小高的關心 , 而家心情已經平復好多 , 我都知豬豬現在係彩虹橋好開心咁生活呢 ^^
刪除袁太，好難過嘅消息呀，
回覆刪除希望豬豬安息，你同袁生都唔好太傷心，
保重身體，豬豬能夠同你哋兩個共聚十幾年，
兩個主人都咁錫佢，真係好有福氣。
多謝芙芙關心 , 現在心情平復好多喇 , 我都覺得豬豬真係好有福氣
刪除袁太太,不要難過
回覆刪除多謝kaka , 心情已平複好多了 ^^
刪除保重身體
回覆刪除知道 , Thx ^^
刪除袁，你的豬豬的離開勾起我家Tiger傷心的回憶。因為他都是好像豬豬一樣地離開，到現在都是cici最傷心之處 (又再流下淚)，所以為保存我和Tiger的回憶，cici再不會養狗狗。
回覆刪除希望你同袁生心情盡快平伏，豬豬在彩虹橋會有其他狗狗陪伴他。R.I.P.
多謝cici關心 , 心情已平複好多了 , 原來cici都曾經養過狗狗 , 雖然我同袁生都話不再養狗 , 但已習慣屋企有狗狗走來走去 , 如果俾我見到同豬豬好似樣的狗狗 , 可能會接回家呢
刪除唔好難過...豬豬可以冇痛苦咁離開算是一種小福...一路好走...
回覆刪除好耐冇見妳喇 , 雖然豬豬離開真係好唔捨得 , 但在睡夢中冇痛苦離開 , 真係豬豬的福氣 , 我相信豬豬而家係彩虹橋一定開開心心咁生活 ^^
刪除袁太唔好咁傷心，豬豬一定希望你地繼續快快樂樂咁生活架!
回覆刪除加油!!
嘩 ... 大肥大好耐冇見妳喇 , 最近好嗎 ??? 多謝關心 , 心情已平伏了 ^^ , 不過仍然會想起同豬豬一齊生活的點滴
刪除