唔經唔覺又一個星期沒有來Blogspot
其實袁太唔係懶架 , 只不過眼見好多以前Yblog的朋友仔
一個又一個放棄了 , 唔再出食譜
令袁太都冇晒動力去update , 何況最近我家狗狗身體不太好
前陣子要廿四小時全天侯照顧 ......
慶幸豬豬身體漸漸良好 , 我同袁生都放心好多
充份休息幾日後
今日又來同大家分享食譜喇
之前又瀏覽Blogger雀后的網址 , 見到其中一樣食譜 "焗魚批"
好鬼死吸引我
令袁太衝動想整來做晚餐
早上起床就興高采烈去買材料
諗住用整個下午時間慢慢整出一個金金黃黃的魚批
點知 ???
突然要出外辦少少事 , 攪攪下成四點幾五點先回家
個魚批整都未開始整 , 大鑊喇 , 打亂晒D時間添
唯有快快手急急腳整
好彩時間啱啱好到晚餐時間就有得食
焗到金金黃黃 , 好味道呢 ^^
材料 : 龍利柳 , 蝦仁 , 菠菜 , 白蘑菇 , 薯仔 , 芝士條 ( Mozzarella & Cheddar) , 淡忌廉 , 牛奶 , 麵粉 , 牛油 , 黑胡椒 , 鹽
薯仔去皮切片 , 放上碟後放入鑊中隔水用大火蒸20分鐘
菠菜放入滾水中煮1-2分鐘至軟身後盛起 , 白蘑菇洗淨切片 , 燒紅鑊 , 加入牛油煮溶 , 再加入麵粉拌勻 , 加入牛奶煮滾 , 滾後再加入白蘑菇片 , 下少許雞粉 , 鹽調味 , 最後加入淡忌廉拌勻煮約1分鐘即成白汁
材料龍利柳2條 , 蝦仁 , 菠菜半斤 , 白蘑菇 , 薯仔2個 , 芝士條 ( Mozzarella & Cheddar) , 淡忌廉 , 牛奶 , 麵粉 , 牛油 , 黑胡椒 , 鹽
做法1. 菠菜洗淨切成短身
2. 蝦仁洗淨去腸 , 龍利柳洗淨抹乾水份後加入鹽 , 胡椒粉拌勻醃片刻備用
3. 薯仔去皮切片 , 放上碟後放入鑊中隔水用大火蒸20分鐘
4. 取出放入大碗內 , 加入牛油 , 鹽 , 黑胡椒碎拌勻壓成蓉
5. 再加入牛奶拌勻至薯蓉滑身備用
6. 菠菜放入滾水中煮1-2分鐘至軟身後盛起 , 白蘑菇洗淨切片
7. 燒紅鑊 , 加入牛油煮溶 , 再加入麵粉拌勻 , 加入牛奶煮滾
8. 滾後再加入白蘑菇片 , 下少許雞粉 , 鹽調味
9. 最後加入淡忌廉拌勻煮約1分鐘即成白汁
10. 先將龍利柳及蝦仁放在焗盤底 , 再放上菠菜 , 再淋上白汁蘑菇
11. 將之前整的薯蓉放上 , 最後灑上芝士條
12. 放入焗爐用200C焗30分鐘至表面金黃即可
無論賣相同味道都好好的焗魚批 , 真係令人一食就愛上了 ^^
袁太，芙芙自從由yahoo搬咗嚟之後，
回覆刪除開始變得越嚟越懶，可能呢度冇以前YBlog個互動性咁高，
令到想寫嘢嘅心都變細咗呢，有時見到啲好好傾嘅朋友仔放棄時，
真係唔係幾開心，希望我哋大家都可以繼續堅持落去啦!
我都懶左好多 , 總是提不起勁update , 不過我相信我可以繼續堅持落去 , 希望芙芙都係喇
刪除我哋齊齊努力堅持!!
刪除大家齊齊努力 ^^
刪除有蔬菜好正
回覆刪除最愛菠菜同薯蓉 ^^
刪除袁太， cici都差不多成個禮拜冇update。除了因為工作忙之外，另外的原因是因為瀏覽次數愈來愈少。心諗到究竟有幾多人會好似我哋咁仲寫blog (大家都已經用面書)。呢度活躍性始終冇Yblog咁高，加上自己幾個朋友從Yblog搬到呢度就放棄寫blog，心裡真係有啲唔開心。最後，諗到為自己喜歡煮食的興趣而去寫，就會有衝勁繼續寫。
回覆刪除袁太，有我嚟探你，開心番啦!
我都仲係好喜愛煮野食 , 但總是提不起勁呢 , 不過見到cici來探袁太 , 真係好開心呢 , 希望大家會繼續寫落去
刪除袁太，一齊努力堅持落去 ^^
刪除cici都係呀 , 大家齊齊努力喇 ^^
刪除呢個魚批真係幾好味架，不過我懶用罐頭白汁蘑菇湯做白汁。
回覆刪除我都係睇見雀后整得咁吸引 , 我先跟住整呢 ^^
刪除嘩~呢個好肥~~不過好好味呢
回覆刪除偶然食下都OK架 ^^
刪除