2016年5月12日 星期四

香煎素蘿蔔糕粒




我份人好奇怪 , 新年的時候只係鐘意整但唔鐘意食賀年糕點 , 但日常的日子

就會突然黐起條筋想食 , 想食就必然自己整 , 今次就突然想起它

~素蘿蔔糕~ 其實蘿蔔糕我最愛係臘味蘿蔔糕 , 不過又唔想食咁多臘味 ......



想食比較清的蘿蔔糕 , 見雪櫃有木耳絲同甘旬 , 廚房又有乾冬菇

咁就簡單來個素蘿蔔糕頂頂隱吧 , 本來想加埋菜甫

先發覺原來已經食晒 , 咁就用呢三款材料整 , 袁太整蘿蔔糕鐘意將蘿蔔切條

而唔係刨絲整 , 咁食的時候就有一條條的蘿蔔口感 , 唔會太淋pat pat

以往整好蘿蔔糕就熱辣辣就咁食 , 但今次我又想煎喎 , 咁就要雪凍一晚

等日先可以攞出黎煎 , 咁又要等多日先有得食 , 唯有耐心等待吧



第日已急不及從雪櫃取出 , 用來做下午茶點

袁太每次煎蘿蔔糕都喜愛將蘿蔔糕切粒 , 煎香左蘿蔔糕後再配上蛋絲同蔥粒一齊食

嘩 ... 真係好鬼好味道

食完再配上一杯濃味的茶 , 真係好滿足 , 好滿足呢 ^^



材料 : 白蘿蔔 , 甘旬 , 冬菇 (預先浸軟) , 木耳絲 , 白芝麻 , 鹽 , 胡椒粉 , 蔥 , 生油 , 粘米粉 , 芫茜(裝飾用可省略)




將木耳浸水至軟身 , 白蘿蔔及甘旬去皮 , 白蘿蔔切厚片再切條 , 將白蘿蔔條放入鑊中用中火炒香 , 將白蘿蔔條放入鑊中用中火炒香 , 加入約1碗份量的水拌勻 , 炒至白蘿蔔半透明盛起 (煮白蘿蔔水亦留起)













冬菇切粒 , 甘旬切幼絲 , 蔥切粒 , 鑊中加入冬菇粒及甘旬絲拌勻 , 贊少許酒炒香 , 再加入木耳絲 , 少許鹽調味拌勻炒數分鐘 , 盛起備用












粘米粉放入大碗內與白蘿蔔水拌勻 , 原鑊將白蘿蔔條放入鑊中用中火炒香鑊加入白蘿蔔再炒香 , 熄火加入調味料及餡料拌勻 , 將粉漿加入快速拌勻 , 器皿內抹少許油 , 將材料放入 , 用刀壓平 , 放入鑊中用中火蒸45分鐘 , 取出灑上炒香的白芝麻 , 待涼後放入雪櫃靜待一晚至硬身
























翌日將蘿蔔糕取出切粒 , 雞蛋打成蛋液放入鑊中煎至金黃色 , 盛起切絲 , 蘿蔔糕粒亦放入鑊中煎至每面金黃色 , 盛起放在廚紙吸取油份












最後將蘿蔔糕粒放入碟內 , 再放上蛋絲及灑上蔥粒 , 放上芫茜碟裝飾即可











材料
白蘿蔔1條 , 甘旬1條 , 冬菇4隻 (預先浸軟) , 木耳絲 , 白芝麻 , 鹽 , 胡椒粉 , 蔥 , 生油 , 粘米粉3/4杯 , 芫茜(裝飾用可省略)
  
調味料
素蠔油 , 麻油 , 糖 , 胡椒粉



做法
1. 將木耳浸水至軟身 , 白蘿蔔及甘旬去皮

2. 白蘿蔔切厚片再切條 , 將白蘿蔔條放入鑊中用中火炒香 , 加入約1碗份量的水拌勻

3. 炒至白蘿蔔半透明盛起 (煮白蘿蔔水亦留起)

4. 冬菇切粒 , 甘旬切幼絲 , 蔥切粒

5. 鑊中加入冬菇粒及甘旬絲拌勻 , 贊少許酒炒香 , 再加入木耳絲

6. 少許鹽調味拌勻炒數分鐘 , 盛起備用

7. 粘米粉放入大碗內與白蘿蔔水拌勻 , 原鑊加入白蘿蔔再炒香

8. 熄火加入調味料及餡料拌勻 , 將粉漿加入快速拌勻

9. 器皿內抹少許油 , 將材料放入 , 用刀壓平

10. 放入鑊中用中火蒸45分鐘 , 取出灑上炒香的白芝麻 , 待涼後放入雪櫃靜待一晚至硬身

11. 翌日將蘿蔔糕取出切粒

12. 雞蛋打成蛋液放入鑊中煎至金黃色 , 盛起切絲

13. 蘿蔔糕粒亦放入鑊中煎至每面金黃色 , 盛起放在廚紙吸取油份

14. 最後將蘿蔔糕粒放入碟內 , 再放上蛋絲及灑上蔥粒 , 放上芫茜碟裝飾即可




自己整蘿蔔糕永遠有足夠的配料 , 亦可以配合自己喜愛的味道去製作呢 ^^



24 則留言:

  1. 我好LIKE 食蘿蔔糕~~~係生阿女嗰年冇食咋~

    回覆刪除
    回覆
    1. 我都係好鐘意食蘿蔔糕的人呢

      刪除
  2. 好特別的蘿白糕.應該好好味.

    回覆刪除
  3. 素蘿蔔糕感覺好健康,加埋蛋絲仲好味

    回覆刪除
  4. 我都好鐘意食蘿蔔糕呢

    回覆刪除
  5. 想食就去整係袁太的性格呢,每次都整得咁吸引,我都想食埋一份

    回覆刪除
    回覆
    1. 係架,一想食我就會即刻去買材料煮

      刪除
  6. 我超級鐘意蘿蔔糕,不過又懶得自己整

    回覆刪除
  7. 回覆
    1. 自己整一定要放多多心機落去呢

      刪除
  8. Yummy yummy!蘿蔔糕,我至愛呀!

    回覆刪除
  9. 袁太,你唔奇怪呀,
    芙芙都成日突然常吃一些過節食品,但因為出面冇得買,
    自己又唔識整,於是就得個諗字。

    回覆刪除
    回覆
    1. 原來芙芙都同我一樣呢,我一想食的話,就算唔識整我都要搵到地方買為止^^

      刪除
  10. 蘿蔔糕我好愛吃,不過多數食臘味,好似未曾食過素做的蘿蔔糕呢

    回覆刪除