古法蒸鯇魚腩

大家有冇發覺平時袁太好少 ... 好少會上傳蒸魚的食譜呢 ??? 事關袁生唔太喜愛蒸魚

話骨多唔鐘意食 , 不過呢幾日佢又突然間話想食鯇魚腩 , 既然難得佢開到聲

而且鯇魚腩又係我最鐘意食的魚 , 當然快快手去街市買舊鯇魚回家做晚餐 ......



以前的我蒸鯇魚只愛簡單用薑蔥清蒸 , 不過突然間又想起古法蒸 

所謂 ~古法~ , 即係豬肉絲 , 冬菇絲 , 榨菜絲 / 大頭菜 , 薑絲 , 好簡單將豬肉切絲醃好

再加入其他配料拌勻放在魚面上蒸 , 蒸好再淋上熟油之類 , 一碟蒸魚有齊海鮮 

肉類及菇類 , 簡單煮個飯都夠 , 何況天氣熱到都冇咩胃口 , 一餸一飯就可以



雖然袁太好鐘意食鯇魚 , 但其實我唔係太識買鯇魚蒸 , 都唔知應該買尾部 , 中間還是

邊個部份好 , 之不過我好想食魚頭 , 所以就買左魚頭個邊 , 用呢個古法蒸

蒸出來味道鹹鹹鮮鮮 , 而且魚肉滑滑 , 好好拌飯呢 ^^



材料 : 鯇魚腩 , 梅頭豬肉 , 大頭菜片 , 冬菇 , 薑 , 蔥 , 老抽 , 酒 , 胡椒粉 , 糖

梅頭瘦肉洗淨切絲 , 放入大碗內加入醃料拌勻靜待30分鐘 , 醃豬肉絲期間將冬菇切片 , 薑去皮切絲 , 大頭菜沖一沖洗切絲 , 蔥切粒備用

豬肉絲醃好後 ,逐一加入冬菇 , 大頭菜絲及一半靼絲份量拌勻 , 鯇魚腩洗淨抹乾水份後切幾刀 , 加入少許胡椒粉醃勻魚的兩面放上一碟 , 再平均放上其餘配料

放入鑊中蓋上蓋隔水用中火蒸8分鐘後取出 , 將魚及配料 (汁料留起) 轉另一器皿或碟內

將其餘一半份量的薑絲放入鑊中 , 加入留起的汁料 , 少許老抽 , 油及糖拌勻用中火煮滾 , 盛起淋在魚上 , 最後灑上蔥粒即可

材料
鯇魚腩1件 , 梅頭豬肉$15 , 大頭菜3片 , 冬菇6朵 , 薑 , 蔥 , 老抽 , 酒 , 胡椒粉 , 糖

醃料
生抽 , 糖 , 酒 , 胡椒粉



做法
1. 梅頭瘦肉洗淨切絲 , 放入大碗內加入醃料拌勻靜待30分鐘

2. 醃豬肉絲期間將冬菇切片 , 薑去皮切絲 , 大頭菜沖一沖洗切絲 , 蔥切粒備用

3. 豬肉絲醃好後 ,逐一加入冬菇 , 大頭菜絲及一半靼絲份量拌勻

4. 鯇魚腩洗淨抹乾水份後切幾刀

5. 加入少許胡椒粉醃勻魚的兩面放上一碟 , 再平均放上其餘配料

6. 放入鑊中蓋上蓋隔水用中火蒸8分鐘後取出

7. 將魚及配料 (汁料留起) 轉另一器皿或碟內

8. 將其餘一半份量的薑絲放入鑊中 , 加入留起的汁料 , 少許老抽 , 油及糖拌勻用中火煮滾

9. 盛起淋在魚上 , 最後灑上蔥粒即可




有肉又有菇的一碟古法蒸魚 , 簡單再煮個白飯就可以開餐呢 ^^