2016年11月10日 星期四

南瓜紅腰豆雜菜湯




今朝袁生突然話想食pizza做晚餐 , 但奈何廚房的焗爐早前已壞掉 , 未有時間買新焗爐 , 不過就算有焗爐 , 我都唔想自己整薄餅 , 因為袁太搓麵糰的功架真係麻麻地呢 , 既然要自己搓麵糰做薄餅 , 倒不如去薄餅店買外賣回家 ......



只不過買薄餅回家 , 冇湯飲又好似dry左少少 , 湯方面袁太就可以親自煲 , 以往每次食完薄餅或者麵包呢類用麵糰做的食物 , 食完總覺得飽飽滯滯 , 而且胃部唔多舒服的情況下 , 再加上最近的身體漸漸開始響警號 , 頭又痛又暈 , 腰又痛 , 骨又痛 , 唔知係想作病還是有暗病自己唔知呢 ??? 所以閒時為身體清一清都唔錯



除左煲涼茶 , 五花茶 , 廿四味呢類苦過我條命的涼茶外 , 閒時我喜愛煲雜菜湯 , 為身體大掃除 , 色彩繽紛的雜菜有益健康 , 仲加上有益的紅腰豆 , 煲一大煲慢慢飲 , 由於雜菜湯有好多湯渣 ,
絕對夠飽肚 , 飲唔晒的雜菜湯 , 翌日加碗白飯或通粉 , 做成湯飯同湯粉又可以當一餐呢 ^^ 



材料 : 南瓜 , 蕃茄 , 薯仔 , 西芹 , 椰菜 , 甘旬 , 紅腰豆 , 鹽 , 黑胡椒碎 , 薑




西芹去纖維 , 薯仔去皮 , 甘旬去皮 , 南瓜去籽去皮 , 紅腰豆浸水30分鐘 , 西芹及甘旬切粒 , 薑去皮扁 , 將西芹粒及甘旬粒放入隔篩中用水沖洗及瀝乾水份 , 南瓜同薯仔亦切粒用水沖洗及瀝乾














蕃茄用水沖洗後去蒂切粒 , 紅腰豆倒去水份 , 用水沖洗再瀝乾







煲內加少許油燒熱 , 下蕃茄粒炒至出茄油 , 逐一加入西芹粒 , 甘旬粒 , 薯仔粒 , 南瓜粒 , 紅腰豆及薑拌勻炒數分鐘 , 加入適量熱水拌勻用中火先煲15分鐘 , 期間將椰菜切大片 , 用水沖洗及瀝乾水份



















15分鐘後加入椰菜拌勻 , 煲滾後蓋上蓋轉慢火煲1 1/2小時 , 加少許鹽調味拌勻轉大火煲滾後熄火焗30分鐘 , 將雜菜湯盛上碗內 , 灑上黑胡椒碎即可
















材料
南瓜1/2邊 , 蕃茄3個 , 薯仔2個 , 西芹 , 椰菜 , 甘旬1條 , 紅腰豆 , 鹽 , 黑胡椒碎 , 薑



做法
1. 西芹去纖維 , 薯仔去皮 , 甘旬去皮 , 南瓜去籽去皮

2. 紅腰豆浸水30分鐘 , 西芹及甘旬切粒 , 薑去皮拍

3. 將西芹粒及甘旬粒放入隔篩中用水沖洗及瀝乾水份 , 南瓜同薯仔亦切粒用水沖洗及瀝乾

4. 蕃茄用水沖洗後去蒂切粒 , 紅腰豆倒去水份 , 用水沖洗再瀝乾

5. 煲內加少許油燒熱 , 下蕃茄粒炒至出茄油

6. 逐一加入西芹粒 , 甘旬粒 , 薯仔粒 , 南瓜粒 , 紅腰豆及薑拌勻炒數分鐘

7. 加入適量熱水拌勻用中火先煲15分鐘

8. 期間將椰菜切大片 , 用水沖洗及瀝乾水份

9. 15分鐘後加入椰菜拌勻 , 煲滾後蓋上蓋轉慢火煲1 1/2小時

10. 加少許鹽調味拌勻轉大火煲滾後熄火焗30分鐘

11. 將雜菜湯盛上碗內 , 灑上黑胡椒碎即可




 一款多湯渣夠飽肚的湯水 , 飲一碗已經飽飽地呢 ^^



21 則留言:

  1. 雜菜湯健康又美味,當正餐都唔錯

    回覆刪除
    回覆
    1. 其實都可以當正餐架,因為食渣都已經好飽呢

      刪除
  2. 加入紅腰豆更健康

    回覆刪除
  3. 加通粉做成湯通做早餐都得呢

    回覆刪除
  4. 材料豐富,五彩繽紛,見到已經吸引食慾啦

    回覆刪除
  5. 有湯有菜,清清地,唔錯呀!

    回覆刪除
  6. 雜菜湯有益健康

    回覆刪除
  7. 加飯可以做湯飯,加粉可以做埋湯粉,正呀

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......