2017年1月25日 星期三

紅燒羊肉 (小棠菜墊底)




今日又到1月25日 , 係豬豬的忌日 , 唔經唔覺已經離開左兩年 , 唔知豬豬現在生活過得怎樣呢 ??? 仲有幾日就到農曆新年 , 袁太見到大家都開始整糕呢 , 不過我今年好懶 , 都而家都仲未開始整 , 都係個句 , 過多日先開始喇 , 休息埋今日先 ......



前排有幾日的天氣凍得要命 , 又唔想打爐 , 又唔想食羊腩煲 , 不過就好想食羊肉 , 又走左去街市睇下羊肉靚唔靚仔 , 見唔錯就買左磅半回家 , 之但係今次唔會整羊腩煲 , 改做紅燒羊肉 , 袁生平時最愛食紅燒 , 咩紅燒牛肉 , 紅燒豆腐佢都鬼死咁鐘意 , 相信呢個紅燒版佢應該都會滿意 , 其實紅燒的做法絕對簡單 , 先去雜貨店買個滷包 , 再去蔬菜店買蕃茄 , 甘旬 , 洋蔥呢類型的配料 , 再加上豆瓣醬做成汁 , 炆佢粒幾鐘又焗下佢 , 羊肉超軟身超入味 , 用來拌飯或拌刀削麵都同樣美味



不過得羊肉又好似太dry , 見雪櫃仲有幾顆小棠菜 , 就洗下佢再灼下佢用來墊底 , 小棠菜吸晒汁料的味道就唔錯 , 如果大家唔鐘意羊肉 , 轉用牛展或牛筋都唔錯呢 ^^



材料 : 羊肉 , 蕃茄 , 洋蔥 , 甘旬 , 小棠菜 , 蔥 , 薑 , 滷水料 , 辣豆瓣醬 , 冰糖 , 魚袋 , 酒 , 鹽 , 水 , 隔篩






蔥切段 , 薑去皮切幼條 , 滷水料放入魚袋內扎緊 , 鑊中加入水 , 蔥段 , 薑絲及酒拌勻 , 放入羊肉弄散蓋上蓋用中火出水10分鐘 , 期間將蕃茄洗淨後切件 , 甘旬去皮切細件 , 洋蔥去衣切件 , 10分鐘後將羊肉盛起 , 比較大舊的羊肉可以剪半 , 用水沖一沖洗及瀝乾













燒紅鑊爆香甘旬及洋蔥 , 再加入蕃茄拌勻炒至出茄油 , 逐一加入羊肉 , 調味料 , 冰糖及滷水料包拌勻 , 加入約5碗水份量 (或水蓋過所有材料即可) 拌勻 , 用中火煮滾後蓋上蓋轉慢火煮1 1/2小時




















1 1/2小時後將羊肉及甘旬放入器皿內 , 將汁料用隔篩隔去其餘材料 , 再將羊肉 , 甘旬及汁料放回鑊內蓋上蓋焗30分鐘 , 期間將小棠菜切半 , 加少許鹽沖洗乾淨 , 瀝乾水份放入煲內加水用慢火灼幾分鐘至軟身















將小棠菜盛起先放上碟或器皿內 , 羊肉用中火再煮滾 , 材料連同汁料放在小棠菜上即可









材料
羊肉磅半 , 蕃茄3個 , 洋蔥1個 , 甘旬1條 , 小棠菜1/2斤 , 蔥 , 薑 , 滷水料1包 , 辣豆瓣醬 , 冰糖2粒 , 魚袋1個 , 酒 , 鹽 , 水 , 隔篩

調味料
豆瓣醬2湯匙 , 老抽2湯匙



做法
1. 蔥切段 , 薑去皮切幼條 , 滷水料放入魚袋內扎緊

2. 鑊中加入水 , 蔥段 , 薑絲及酒拌勻 , 放入羊肉弄散蓋上蓋用中火出水10分鐘

3. 期間將蕃茄洗淨後切件 , 甘旬去皮切細件 , 洋蔥去衣切件

4. 10分鐘後將羊肉盛起 , 比較大舊的羊肉可以剪半 , 用水沖一沖洗及瀝乾

5. 燒紅鑊爆香甘旬及洋蔥 , 再加入蕃茄拌勻炒至出茄油 

6. 逐一加入羊肉 , 調味料 , 冰糖及滷水料包拌勻 

7. 加入約5碗水份量 (或水蓋過所有材料即可) 拌勻

8. 用中火煮滾後蓋上蓋轉慢火煮1 1/2小時

9. 1 1/2小時後將羊肉及甘旬放入器皿內 , 將汁料用隔篩隔去其餘材料

10. 再將羊肉 , 甘旬及汁料放回鑊內蓋上蓋焗30分鐘 

11. 期間將小棠菜切半 , 加少許鹽沖洗乾淨 , 瀝乾水份放入煲內加水用慢火灼幾分鐘至軟身

12. 將小棠菜盛起先放上碟或器皿內 

13. 羊肉用中火再煮滾 , 材料連同汁料放在小棠菜上即可 




濃郁又帶少許辣味的紅燒羊肉就完成 , 每件羊肉都半肥瘦 , 好味道呢 ^^



20 則留言:

  1. 我改用牛先...我老公一定好好好好鍾意呀, 多謝袁太~

    回覆刪除
    回覆
    1. 唔好客氣,用牛展同牛筋黎整都好好味

      刪除
  2. 羊肉好入味,正

    回覆刪除
  3. 羊肉我非常愛食

    回覆刪除
  4. 羊肉我麻麻地,下次見

    回覆刪除
  5. 雖然羊肉我就麻麻地,不過紅燒我又喜歡喎

    回覆刪除
    回覆
    1. 咁妳可以轉用牛展或牛筋都好好味架

      刪除