2017年1月16日 星期一

[素湯] 南瓜竹庶牛蒡栗子粟米湯




有時間中唔想食飯的關係 , 只想飲湯食湯渣的袁氏夫婦 , 都會簡單煲個湯當晚餐就算 , 最近的天氣相當清涼 , 所以湯水都會以甜甜滋潤最主打 ......



去蔬菜店買菜時見到長型南瓜靚靚 . 咁如果用南瓜做主打 , 唔知袁大爺有冇意見呢 ??? 買左南瓜後又要決定煲肉湯還是素湯好 , 我知袁生最近都愛上素湯 , 咁就一於唔落肉 , 清清地吧 , 日常用南瓜煲湯最愛加入牛蒡 , 栗子這類材料 , 再加上基本材料 ~粟米~ , 仲有係雪櫃發現一條訓到隻死豬咁的竹庶 , 竹庶起初買回來的用意 , 係用來煲竹庶水俾袁生飲 , 不過買左放入雪櫃又唔記得左 , 加埋入湯內一齊煲 , 味道應該又甜又甘又濃又潤



永遠覺得南瓜同栗子係絕配 , 無論用來炆餸 , 煲湯都絕對超夾 , 牛蒡的甘味 + 粟米 , 竹庶的甜味 + 栗子的濃味 , 幾樣材料配搭煲出來的湯水味道相當好 , 甜甜地又甘甘地 , 飲完喉嚨好舒服 , 而且南瓜又有益 , 就連袁生都話好味 , 好乖乖飲左好多碗添 ^^



材料 : 南瓜 , 栗子 , 粟米 , 竹庶 , 牛蒡 , 蜜棗 , 鹽




栗子放入熱水中蓋上蓋用中火煮5分鐘 , 期間將南瓜去皮去籽 , 牛蒡去皮 , 牛蒡斜切成片後用水沖洗及瀝乾 , 南瓜切大件 , 栗子盛起趁去殼 , 用水沖洗栗子肉及瀝乾 , 竹庶切幼條 , 粟米切成段 , 留起粟米外皮及粟米鬚















   
煲內放入竹庶 , 粟米 , 栗子肉 , 粟米皮 , 粟米鬚及蜜棗 , 加入適量水 , 先用中火煲15分鐘至滾起 , 再加入牛蒡及南瓜拌勻再煲滾 , 蓋上蓋轉慢火煲1 1/2小時




















1 1/2小時後加少許鹽調味拌勻轉用大火再煲滾 , 熄火蓋上蓋焗30分鐘即可 












材料
南瓜1/2邊 , 栗子1/2磅 , 粟米1條 , 竹庶1條 , 牛蒡1條 , 蜜棗2粒 , 鹽



做法
1. 栗子放入熱水中蓋上蓋用中火煮5分鐘

2. 期間將南瓜去皮去籽 , 牛蒡去皮 

3. 牛蒡斜切成片後用水沖洗及瀝乾 , 南瓜切大件 

4. 栗子盛起趁去殼 , 用水沖洗栗子肉及瀝乾 , 竹庶切幼條

5. 粟米切成段 , 留起粟米外皮及粟米鬚

6. 煲內放入竹庶 , 粟米 , 栗子肉 , 粟米皮 , 粟米鬚及蜜棗 , 加入適量水

7. 先用中火煲15分鐘至滾起

8. 再加入牛蒡及南瓜拌勻再煲滾 , 蓋上蓋轉慢火煲1 1/2小時

9. 1 1/2小時後加少許鹽調味拌勻轉用大火再煲滾 , 熄火蓋上蓋焗30分鐘即可 




味道甘甘甜甜的素湯系列湯水 , 大家要來一碗嗎 ???



20 則留言:

  1. 素湯有益健康,而且味道甜甜潤潤

    回覆刪除
  2. 我又要飲湯呀

    回覆刪除
  3. 甜甜潤潤湯水我鐘意

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......