2017年1月15日 星期日

椰香葡國雞




某日執廚房清潔廚房的時候 , 見仲有少少黃薑粉 , 冰箱仲有半隻雞 , 令我即刻有衝動想整葡國雞 , 雖然有雞同黃薑粉 , 但都欠缺其他配料 , 例如洋蔥 , 薯仔 , 甘旬 , 椰漿等等呢 , 拿拿臨走去街市買材料回家 ......



其實平時除喜愛食咖哩雞外 , 葡國雞亦係我同袁生的最愛 , 用葡汁送飯拌意粉都相當美味 , 以往煮葡雞會用樽裝的現成醬 , 雖然味道唔太差 , 但對我來說味道濃左少少 , 又鹹左少少 , 所以今次決定自己整葡汁 , 其實葡汁多數都係用黃薑粉 , 香葉 , 椰漿這類材料 , 味道雖沒有現成醬咁濃郁 , 但勝在味道比較清新 , 反而啱我地口味



屋企附近商場的東南亞材料店有細細包的椰漿賣 , 好鬼方便




單單只係一碟葡國雞 , 袁生都可以食到兩碗飯 , 剩下的汁料放入雪櫃 , 翌日加入豬頸肉再煮 , 配上意粉俾袁生當午餐 , 佢同樣食到 lam lam 脷呢 ^^



材料 : 雞 , 洋蔥 , 甘旬 , 薯仔 , 椰漿 , 黃薑粉 , 香葉 , 薑 , 鹽 , 糖 , 胡椒粉 , 水




雞沖一沖洗乾淨瀝乾水份後放入大碗內 , 加入黃薑粉及醃料拌勻靜待1小時












甘旬 , 薯仔去皮 , 洋蔥去衣 , 分別將薯仔 , 甘旬切細件 , 洋蔥切大塊 , 薯仔及甘旬用水沖洗及瀝乾 , 薑連皮刨成蓉








雞翼醃1小時後加入薑蓉拌勻再靜待10分鐘 , 薯仔放入油鑊中用慢火慢慢炸至微黃色 , 盛起備用











燒紅鑊 , 放入洋蔥及甘旬爆香 , 加入雞炒至轉色 , 加入黃薑粉及少許糖調味拌勻 , 再加入香葉 , 500ml水份量拌勻用中火煮女滾 , 蓋上蓋轉慢火煮15分鐘



















加入薯仔及椰漿拌勻 , 蓋上蓋繼續用慢火煮5分鐘後熄火焗10分鐘 , 最後加入生粉水拌勻煮至少許杰身即可















 

材料 
雞1/2隻 , 洋蔥1個 , 甘旬(細)2條 , 薯仔2個 , 椰漿 , 黃薑粉 , 香葉4片 , 薑 , 鹽 , 糖 , 胡椒粉 , 水500ml

醃料 
鹽 , 糖 , 胡椒粉 , 黃薑粉1茶匙



做法
1. 雞沖一沖洗乾淨瀝乾水份後放入大碗內 , 加入黃薑粉及醃料拌勻靜待1小時

2. 甘旬 , 薯仔去皮 , 洋蔥去衣 

3. 分別將薯仔 , 甘旬切細件 , 洋蔥切大塊 , 薯仔及甘旬用水沖洗及瀝乾

4. 薑連皮刨成蓉

5. 雞翼醃1小時後加入薑蓉拌勻再靜待10分鐘

6. 薯仔放入油鑊中用慢火慢慢炸至微黃色 , 盛起備用 

7. 燒紅鑊 , 放入洋蔥及甘旬爆香 , 加入雞炒至轉色 , 加入黃薑粉及少許糖調味拌勻

8. 再加入香葉 , 500ml水份量拌勻用中火煮女滾 , 蓋上蓋轉慢火煮15分鐘

9. 加入薯仔及椰漿拌勻 , 蓋上蓋繼續用慢火煮5分鐘後熄火焗10分鐘 

10. 最後加入生粉水拌勻煮至少許杰身即可 




好味的葡國雞用來拌飯拌意粉 , 或者加上芝士碎放入焗爐焗都一樣咁好味道呢 ^^




22 則留言:

  1. 好想食啊, 自製好D, 街買現成有時太濃味.

    回覆刪除
  2. 我聞到好香呀

    回覆刪除
  3. 用個汁撈飯一定好正呢

    回覆刪除
  4. 我都好鐘意食葡國雞架

    回覆刪除
  5. 葡雞我鐘意用炆的方法多過用焗的方法,所以袁太呢個啱我口味

    回覆刪除
    回覆
    1. 我多數都用炆的方法,好少會用焗呢

      刪除
  6. 好味,呢個啱啲食唔到辣嘅人呀

    回覆刪除
  7. 勁吸引!袁太幾時開私房菜,我一定要幫襯呀~~

    回覆刪除
    回覆
    1. 其實以前都有諗過架,不過袁生話我開實蝕死喎,成日整野都咁足料,多多錢都唔夠蝕

      刪除