2017年4月24日 星期一

青紅蘿蔔准山西施骨湯




天氣一時好到爆 , 有猛猛太陽出現 , 一時就落大雨凍冰冰 , 周圍都變得濕濕淋淋 , 蔭蔭涼涼濕濕的天氣 , 我就最討厭 ......



袁生某日又突然同我講好想飲湯 , 印象中以前都唔覺得佢係咁鐘意飲湯 , 不過每次佢一聲令下 , 我都會盡量配合 , 呢次我就選擇買青紅蘿蔔煲湯潤一潤 , 其實我煲過咁多次湯 , 永遠都係唔識分 , 煲咩湯係配搭咩肉去煲 , 對我來說 , 來來去去都係個幾樣 , 唔係瘦肉 , 排骨 , 燒豬骨就係豬展 , 都係個幾樣喇



買晒所有材料後就去買肉 , 例牌係豬肉店企好耐都決定唔到 , 可能豬肉店呀姐見我企咁耐都唔知想買咩 , 又或者覺得我企咁耐 , 阻住佢做生意的關係 , 就開聲問我想買咩 , 我只係話煲青紅蘿蔔湯 , 應該配咩肉煲好呢 ??? 咁個呀姐二話不說就叫我買西施骨煲 , 話煲完的肉都會好腍唔會硬 , 咁我唔識就當然相佢講喇 , 點知 ~~~



回到家煲呢個湯煲左幾粒鐘 , 好喇 , 到飲湯食湯渣的時候 , 先發覺煲出黎的肉根本硬到咩咁 , 可以話肉質鞋過我塊面 , 乾過我荷包黎形容 , 其實袁太想問問大家 , 西施骨煲完出黎的肉係咪一定會咁硬架 ??? 還是根本個舊唔係西施骨 ??? 我算唔算俾人昆左呢 ^^



材料 : 青蘿蔔 , 紅蘿蔔 , 西施骨頭 , 生晒准山 , 果皮(預先浸軟) , 茨實 , 蜜棗 , 南北杏 , 鹽




青紅蘿蔔去皮分別切件 , 西施骨放入煲內加水蓋過面 , 拌勻後用慢火煮至水滾再出水 , 期間將茨實 , 准山 , 蜜棗 , 南北杏用水沖一沖洗及瀝乾 , 果皮刮去囊後撕成細片 , 西施骨出水後盛起用水沖洗瀝乾 

















煲內放入西施骨 , 准山 , 茨實 , 蜜棗 , 南北杏及果皮 , 加入適量水用中火煮至微滾後 , 繼續用中火煲15分鐘 , 期間將面上的泡泡盛起去掉













15分鐘後加入青蘿蔔 , 紅蘿蔔拌勻 , 再用中火煲滾後轉慢火蓋上蓋煲1 1/2小時 , 最後加入少許鹽調味拌勻 , 轉用大火再煲滾 , 熄火焗30分鐘即可




















材料
青蘿蔔1條 , 紅蘿蔔1條 , 西施骨頭$40 , 生晒准山$10 , 果皮(預先浸軟)1塊 , 茨實 , 蜜棗2粒 , 南北杏 , 鹽



做法
1. 青紅蘿蔔去皮分別切件 

2. 西施骨放入煲內加水蓋過面 , 拌勻後用慢火煮至水滾再出水 

3. 期間將茨實 , 准山 , 蜜棗 , 南北杏用水沖一沖洗及瀝乾 

4. 果皮刮去囊後撕成細片 

5. 西施骨出水後盛起用水沖洗瀝乾  

6. 煲內放入西施骨 , 准山 , 茨實 , 蜜棗 , 南北杏及果皮 , 加入適量水用中火煮至微滾後 

7. 繼續用中火煲15分鐘 

8. 期間將面上的泡泡盛起去掉

9. 15分鐘後加入青蘿蔔 , 紅蘿蔔拌勻 , 再用中火煲滾後轉慢火蓋上蓋煲1 1/2小時 

10. 最後加入少許鹽調味拌勻 , 轉用大火再煲滾 , 熄火焗30分鐘即可 




每次煲青紅蘿蔔湯 , 青蘿蔔一定會俾我同袁生清晒 , 而紅蘿蔔永遠都係冇人會食既呢 ^^



 

20 則留言:

  1. 我都係鐘意食青蘿蔔多過紅蘿蔔

    回覆刪除
  2. 另外青紅蘿蔔呢個組合夠夠經典,而且好潤

    回覆刪除
  3. 呢款湯好味,我平時少煲湯,都唔係好知煲湯骨係點配,唔好意思幫唔到袁太呢

    回覆刪除
  4. 青紅蘿蔔湯由細飲到大,係我最愛的湯水之一

    回覆刪除
  5. 青蘿蔔,紅蘿蔔我都一樣鐘意食,我仲鐘意配雞腳同煲

    回覆刪除
    回覆
    1. 我以前都鐘意加雞腳煲,味道會再濃d,不過而家唔食得雞呀,所以冇得用雞腳喇

      刪除
  6. 青紅蘿蔔湯,我鐘意飲呀!

    回覆刪除
  7. 青紅蘿蔔湯係最香最甜的湯,我地成家都鍾意飲呀

    回覆刪除
  8. 我老公都好鍾意飲個湯, 仲要好麻煩地唔準落粟米...
    好耐無煲湯啦肥人都, 希望可以盡快煲下~

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......