2017年5月24日 星期三

[素湯] 西瓜皮海底椰片腰果湯




之前已經好想買西瓜 , 但呢邊附近街市的西瓜好樣衰 , 完全唔覺得有起沙 , 再過幾日無意間行第二個街市 , 終於發現有靚仔西瓜賣 , 快快手買左1/4邊回家 ......



每次買西瓜回家 , 一定會留起西瓜皮用來煲水或煲湯用 , 不過前排就煲左薏米水 , 咁就留黎煲湯吧 , 以往用西瓜皮煲湯我多數會配肉湯 , 之但係今次就想煲個素湯 , 材料除西瓜皮外 , 還用上海底椰片 , 粟米 , 紅棗同腰果一齊煲 , 應該會幾潤呢 , 其實用西瓜皮煲湯味道會比較淡 , 因西瓜皮本身冇咩味道 , 所以一向喜愛飲濃味湯水的朋友們 , 可能呢款湯水唔太適合



好似我家袁生就係一個好例子 , 佢一向比較愛濃味 , 所以唔太鐘意呢款湯水 , 飲左一碗就話夠 , 不過我又覺得味道唔錯 , 雖然係淡左少少 , 但味道夠清新 , 唔太差呢 ^^



材料 : 西瓜皮 , 海底椰片 , 紅棗 , 粟米 , 腰果 , 鹽



   
粟米洗淨切段 (粟米鬚及粟米外皮留起) , 西瓜皮去掉綠色皮 , 紅棗去核 , 腰果用水沖一沖洗及瀝乾 











煲內逐一放入西瓜皮 , 粟米 , 腰果 , 粟米鬚 , 粟米外皮及紅棗 , 加入適量水用中火先煲滾 , 期間將海底椰片沖洗及瀝乾


 









煲滾後加入海底椰片拌勻 , 用中火煲15分鐘後 , 轉慢火蓋上蓋煲1 1/2小時 , 將粟米外皮及粟米鬚盛起去掉 , 加少許鹽調味拌勻 , 轉用中火再煲滾後 , 熄火焗30分鐘即可




















材料
西瓜皮1/4邊 , 海底椰片 , 紅棗6粒 , 粟米1條 , 腰果 , 鹽
 


做法
1. 粟米洗淨切段 (粟米鬚及粟米外皮留起) 

2. 西瓜皮去掉綠色皮 , 紅棗去核 , 腰果用水沖一沖洗及瀝乾 

3. 煲內逐一放入西瓜皮 , 粟米 , 腰果 , 粟米鬚 , 粟米外皮及紅棗

4. 加入適量水用中火先煲滾 , 期間將海底椰片沖洗及瀝乾

5. 煲滾後加入海底椰片拌勻 , 用中火煲15分鐘後 , 轉慢火蓋上蓋煲1 1/2小時 

6. 將粟米外皮及粟米鬚盛起去掉

7. 加少許鹽調味拌勻 , 轉用中火再煲滾後 , 熄火焗30分鐘即可 




用西瓜皮煲的湯水味道比較淡 , 如果喜愛濃味湯水的朋友仔可能唔太適合 , 夜晚飲完湯 , 仲有西瓜做飯後果呢 ^^





17 則留言:

  1. 西瓜皮煲水我飲過,但未飲過西瓜皮湯

    回覆刪除
  2. 我已經好耐冇煲湯,呢個星期會的起心肝煲啦

    回覆刪除
  3. 西瓜湯正呀,夏天飲一定好消暑

    回覆刪除
  4. 西瓜皮原本有咁多用途架,我平時都會掉左佢,浪費晒啦

    回覆刪除
    回覆
    1. 我以前都會掉左佢架,後來知道西瓜皮可以煲湯,就唔會再掉呢

      刪除
  5. 我呢個夏天都要煲下西瓜皮湯先

    回覆刪除
  6. 回覆
    1. 係呀,所以我都煲左好多次西瓜皮湯喇

      刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......