2017年8月10日 星期四

摩摩喳喳




有人只喜愛冬天食碗熱辣辣的糖水 , 但我同袁生就一年四季 , 每時每刻都會突然想食甜品或糖水 , 摩摩喳喳呢款就係我近期最愛的糖水 , 熱食得 , 凍食亦得 ......



其實整呢款甜品彈性都好大 , 屋企或廚房有咩就放咩落去煮 , 不過我曾經係街食既 , 都只係用簡單的芋頭 , 蕃薯及西米做材料 , 我就已經覺得好好味道 , 所以自己整都會選擇用番呢堆材料做主打 , 又或者我覺得整呢個摩摩喳喳 , 最主要都係個椰漿糖水底 , 我就另外加左幾塊斑蘭葉落去一齊煮 , 咁就變得好鬼香



我煮呢個糖水會預先將芋頭 , 蕃薯蒸熟 , 咁到時煮好糖水之後加入拌勻就可以 , 唔會煮到一pat pat呢 , 不過我材料中亦會用上紫色蕃薯 , 所以糖水底的顏色會變得比較紫色 , 唔會係白色糖水底的顏色呢 ^^



材料 : 黃蕃薯 , 紫蕃薯 , 芋頭 , 冰糖 , 斑蘭葉 , 西米 , 眉豆 , 椰漿 , 水




豆放入大碗內加熱水浸20分鐘 , 期間將芋頭 , 黃蕃薯 , 紫蕃薯分別去皮切粒 , 將浸20分鐘的眉豆倒去水份瀝乾 , 放入煲內加水浸過面 , 拌勻用慢火煮15分鐘至淋身 , 盛起用水沖一沖洗及瀝乾
















芋頭粒放上碟 , 放入電蒸鍋內蓋上蓋蒸20分鐘 , 再逐一將黃蕃薯粒及紫蕃薯粒同樣放入電蒸鍋內蓋上蓋蒸20分鐘 , 放在錫紙上待涼備用
















期間將西米放入煲內 , 加入水蓋過面 , 用慢火慢慢拌勻煮至西米透明 , 盛起西米用水沖洗乾淨 , 加入冰水浸10分鐘 , 10分鐘後瀝乾水份














煲內加入冰糖及1500ml水用中火煮至糖溶 , 加入斑蘭葉蓋上蓋用中火煮10分鐘至出味 , 倒入椰漿拌勻再煮滾 , 盛起斑蘭葉去掉 , 逐一加入眉豆 , 芋頭粒 , 黃蕃薯粒 , 紫蕃薯粒及西米拌勻 , 蓋上蓋用中火煮5分鐘 , 期間小心滾瀉 , 再熄火焗10分鐘即可 


























材料
黃蕃薯2條 , 紫蕃薯2條 , 芋頭1/2個 , 冰糖120g , 斑蘭葉4塊 , 西米 , 眉豆 , 椰漿600ml , 水1500ml



做法
1. 豆放入大碗內加熱水浸20分鐘 

2. 期間將芋頭 , 黃蕃薯 , 紫蕃薯分別去皮切粒 , 將浸20分鐘的眉豆倒去水份瀝乾 

3. 放入煲內加水浸過面 , 拌勻用慢火煮15分鐘至淋身 , 盛起用水沖一沖洗及瀝乾

4. 芋頭粒放上碟 , 放入電蒸鍋內蓋上蓋蒸20分鐘 

5. 再逐一將黃蕃薯粒及紫蕃薯粒同樣放入電蒸鍋內蓋上蓋蒸20分鐘 

6. 放在錫紙上待涼備用 

7. 期間將西米放入煲內 , 加入水蓋過面 , 用慢火慢慢拌勻煮至西米透明

8. 盛起西米用水沖洗乾淨 , 加入冰水浸10分鐘 , 10分鐘後瀝乾水份 

9. 煲內加入冰糖及1500ml水用中火煮至糖溶 

10. 加入斑蘭葉蓋上蓋用中火煮10分鐘至出味 

11. 倒入椰漿拌勻再煮滾 , 盛起斑蘭葉去掉 

12. 逐一加入眉豆 , 芋頭粒 , 黃蕃薯粒 , 紫蕃薯粒及西米拌勻 

13. 蓋上蓋用中火煮5分鐘 , 期間小心滾瀉 , 再熄火焗10分鐘即可
   



多料版的摩摩喳喳 , 有冇朋友仔想試一碗呢 ^^






28 則留言:

  1. 好多料,有班蘭葉一定好香

    回覆刪除
  2. 我都好喜歡食這個, 顏色仲好靚添. 💜

    回覆刪除
  3. 好嘢,有糖水食,我唔客氣啦!

    回覆刪除
  4. 嘩!睇見都流哂口水了,街吃那有咁多料呀(*0*)

    回覆刪除
    回覆
    1. 街既一定唔會有咁多料呢,糖水底就多多

      刪除
  5. 一款好好味的糖水

    回覆刪除
  6. 嘩…好多料呀,街食的一定唔會有咁多料

    回覆刪除
    回覆
    1. 當然喇,街既一定只有糖水,唔會有咁多材料

      刪除
  7. 我未食過摩摩喳喳架

    回覆刪除
    回覆
    1. 不過袁太整得咁靚,一定好味道呢

      刪除
    2. 其實摩摩喳喳我出街都係只食過兩三次

      刪除
  8. 椰漿做糖水底,再加班蘭葉好香

    回覆刪除
  9. 我假日都要整俾老公試下,因為佢喜歡椰漿

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......